కామెంటేటర్ సంబరాలు: బార్సిలోనా తరుపున మెస్సీ 600వ గోల్ (వీడియో)

హైదరాబాద్: అర్జెంటీనా స్టార్ పుట్‌బాలర్ లియోనల్ మెస్సీ బార్సిలోనా జట్టు తరుపున 600వ గోల్‌ని నమోదు చేశాడు. ఛాంపియన్ లీగ్‌లో భాగంగా బుధవారం రాత్రి లివర్‌పూల్‌-బార్సిలోనా సెమీఫైనల్‌ మ్యాచ్‌లో మెస్సీ ఈ అరుదైన ఘనత సాధించాడు. తొలుత లూయిస్‌ స్వారెజ్‌ ఓ గోల్‌ సాధించడంతో బార్సిలోనా 1-0 ఆదిక్యంలో నిలిచింది.

ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం

అయితే, రెండో అర్ధభాగంలో మెస్సీ రెండు గోల్స్ సాధించి బార్సిలోనా జట్టుని 3-0 ఆధిక్యంలోకి తీసుకెళ్లడంతో పాటు ఆ జట్టు ఘన విజయం సాధించడంలో కీలకపాత్ర పోషించాడు. ఆట మరో 7 నిముషాల్లో ముగుస్తుందనగా మెస్సీ ఫ్రీ కిక్‌ను గోల్‌గా మలిచాడు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అయింది.

That freekick from Messi pic.twitter.com/k2vuVDJtiT

— Joi (@wnizzul) May 2, 2019

కాగా, బార్సిలోనా జట్టు తరుపున మెస్సీ 600వ గోల్ చేయడంతో ఇంగ్లాండ్‌ మాజీ ఫుట్‌బాలర్‌, కామెంటేటర్‌ గ్యారీ లైన్కేర్ ఆనందంతో ఊగిపోయాడు. కామెంటేటరీ బాక్సులోనే తన సహచర కామెంటేటర్ లియో గార్సియోతో సంబరాలు చేసుకున్నాడు. మెస్సీ చేసిన ఈ గోల్‌ (బార్సిలోనా తరపున 600వది) చర్రిత్రాత్మకం అని వ్యాఖ్యానించాడు.

కాగా, మ్యాచ్‌ అనంతరం మెస్సీ మాట్లాడుతూ "ఎప్పుడూ లేనంతగా ఈ రోజు మేం సమష్టిగా రాణించాం. అందుకే ఈ గెలుపు సాధ్యమైంది. మొదటి గోల్‌ సాధించి స్వారెజ్‌ మా గెలుపునకు బాటలు వేశాడు" అని అన్నాడు.

Reaction when #Messi hits his 600th goal for @FCBarcelona... u have to get excited! Wow 💥⚽️ ps. Get the sound on 🔊 #barcalfc #UCL pic.twitter.com/PlgFtZJvHF

— Rio Ferdinand (@rioferdy5) May 1, 2019