ఐఎస్ఎల్: కేరళ ఫ్యాన్స్ అద్భుతమన్న నీతా అంబానీ

ఐఎస్ఎల్ టోర్నీలోనే చిరస్మరణీయం

‘కేరళ బ్లాక్ బస్టర్స్ పట్ల దయ, కరుణ గల ఫ్యాన్స్ కలిగి ఉన్నందుకు ధన్యవాదాలు. నాతోపాటు యావత్ ఫుట్‌బాల్ కూటమికి కేరళ ఫ్యాన్స్ స్పందన 2016 ఐఎస్ఎల్ టోర్నీలోనే చిరస్మరణీయం. మీరు అందమైన ఫుట్ బాల్ ఆట పట్ల తిరుగులేని అత్యుత్సాహం ప్రదర్శిస్తున్న తీరుకు ధన్యవాదాలు తెలియజేస్తున్నా. హోం క్లబ్‌గా కేరళ బ్లాక్ బస్టర్స్ అప్పుడప్పుడు ఓటమి పాలైనా అభిమానుల మద్దతు కొనసాగించడం సంతోషదాయకమైన అంశం. బ్లాస్టర్స్ తో మీ బంధం విడదీయరానిది. గత మూడు ఎడిషన్లలో కోచి స్టేడియానికి 10 లక్షల మందికి పైగా అభిమానులు వచ్చి ఉంటారు' అని ఆమె గుర్తుచేశారు.

నిజమైన క్రీడాస్ఫూర్తికి కేరళ ఫ్యాన్స్ నిదర్శనం

ఆదివారం ఫైనల్స్ మ్యాచ్ కోసం జట్టు జెర్సీ ధరించి రావడంతోపాటు వ్యక్తిత్వాన్ని ప్రదర్శించినందుకు తామంతా ఆనంద సాగరంలో మునిగిపోయామన్నారు. కోచిలో జరిగిన ఐఎస్ఎల్ 2016 టైటిల్ మ్యాచ్ కు హాజరైన కేరళ ఫ్యాన్స్ నిజమైన క్రీడాస్ఫూర్తికి నిదర్శనం అనడంలో ఎటువంటి సందేహం లేదని చెప్పారు. కేరళ బ్లాక్ బస్టర్స్ జట్టుకు దన్నుగా, బాసటగా ఫ్యాన్స్ నిలవడం అద్భుతమైన అంశమని, ఇది యావత్ కేరళ ఫుట్ బాల్ ఆట పట్ల చూపుతున్న ఆదరణకు నిదర్శనమని అన్నారు.

నిజమైన హీరోలు కేరళ అభిమానులే

కేరళలో ఫుట్ బాల్ ఆట పునరుత్తేజం పొందుతుందని తామంతా భావిస్తున్నామన్నారు. ఐఎస్ఎల్ ఫైనల్స్ మ్యాచ్‌లో నిజమైన హీరోలు కేరళ అభిమానులేనని కొనియాడారు. ఫుట్‌బాల్ పండుగను ఆస్వాదించేందుకు మలయాళీలు ముందుకు వచ్చారన్నారు. కేవలం అధిక సంఖ్యలో మలయాళీలు స్టేడియంకు తరలి రావడమే కాక ఒక క్రీడా టోర్నీలోనే అత్యధిక స్థాయిలో అభిమానులు హాజరైన రికార్డు సాధించారని, ఈ ఏడాది టివి వీక్షకుల రేటింగ్ పెరిగిందన్నారు.

ఈస్ట్ బెంగాల్‌లోకి హంకాంగ్ ప్లేయర్ అలెక్స్ అకాండె

ఐ-లీగ్ జెయింట్స్ ఈస్ట్ బెంగాల్ క్లబ్.. ఏషియాన్ ఫుట్ బాలర్స్ కోటాలో వచ్చే ఏడాది జనవరి నుంచి ప్రారంభమయ్యే టోర్నీ కోసం హంకాంగ్ ఇంటర్నేషనల్ అలెక్స్ అకాండె సేవలు వినియోగించుకోనున్నది. నైజీరియాలో జన్మించిన అలెక్స్.. వచ్చేనెలలో జరిగే ఐ - లీగ్ టోర్నీలో ఈస్ట్ బెంగాల్ జట్టుతో కలిసి ఆడేందుకు ఒప్పందం కుదుర్చుకున్నాడు. సౌత్ కొరియన్ డు డాంగ్ హ్యున్ స్థానే అలెక్స్ అకాండె.. ఈస్ట్ బెంగాల్ తరఫున ప్రాతినథ్యం వహిస్తారు. అకాండే కెచే ఎస్ సి తరఫున హంకాంగ్ తో జరిగిన టోర్నీలో ఐఎస్ఎల్ చాంపియన్స్ ఎటికె జట్టుతో ఆడాడు. ఫార్వర్డ్ ప్లేయర్ కూడా అయిన అకాండే 13 మ్యాచ్‌ల్లో 9 గోల్స్ సాధించాడు. 2008లో హంకాంగ్ కు వచ్చిన అకాండే తాయి చుంగ్ క్లబ్ జట్టులో చేరాడు. 2012లో తాపిపో లోచేరిన అకాండె 19 గోల్స్ చేశాడు. ఆ తర్వాత కిచే క్లబ్ కు ప్రాతినిధ్యం వహిస్తున్నాడు.