|
జాబితాలో చేరిన రానా దగ్గుబాటి
తాజాగా ఈ సహ యజమానుల జాబితాలో రానా దగ్గుబాటి కూడా చేరాడు. ఈ సందర్భంగా రానా మాట్లాడుతూ "హైదరాబాద్కు గొప్ప క్రీడా వారసత్వం కలిగి ఉంది. ఈ జట్టు, ఆ వారసత్వాన్ని తిరిగి పుంజుకోవడం అదృష్టంగా ఉంది. కమల్జిత్ అతని జట్టు అద్భుత విజయాలను సాధిస్తుందని నేను నమ్మకంగా ఉన్నా" అని అన్నాడు.
కోల్కతా(ఏటీకే)ను హైదరాబాద్ ఎఫ్సి తన తొలి మ్యాచ్లో తలపడనుంది.
|
తన సామర్థ్యాన్ని నిరూపించిన హైదరాబాద్
"చెన్నై మరియు గోవాలోని ప్రాథమిక శిబిరాల్లో ఈ జట్టు తన సామర్థ్యాన్ని నిరూపించింది. హైదరాబాద్ ఎఫ్సి ఆడిన ఏడు స్నేహపూర్వక మ్యాచ్లలో అద్భుత ప్రదర్శన చేసింది" అని రానా దగ్గుబాటి అన్నాడు. టోర్నీలో భాగంగా శుక్రవారం జరిగే మ్యాచ్లో మాజీ చాంపియన్ అట్లెటికో డీ కోల్కతా(ఏటీకే)ను హైదరాబాద్ ఎఫ్సి తన తొలి మ్యాచ్లో తలపడనుంది.
|
కోచ్గా ఫిల్ బ్రౌన్
మాజీ ఇంగ్లీష్ ప్లేయర్, సీనియర్ కోచ్ ఫిల్ బ్రౌన్ హైదరాబాద్ ఎఫ్సి జట్టు కోచ్గా వ్యవహరిస్తుండగా.. డేవిసన్ రొగేరియో డిసిల్వా, గైల్స్ బర్నెస్ లాంటి విదేశీ స్టార్ ఆటగాళ్లు జట్టులో ఉన్నారు. అయితే స్పానిష్ స్టార్ ఆటగాడు నెస్టల్ గాడిలో తొలి ఎనిమిది మ్యాచ్లకు దూరం కావడం హైదరాబాద్ జట్టుకు సమస్యగా మారింది.
|
పటిష్టంగా హైదరాబాద్ ఎఫ్సి డిఫెన్స్
గనీ నిగమ్, సహిల్ తవోరా, లాల్ధన్మావియా, దీపేందర్ నేగీ, అశీష్ రాయ్, తారిఫ్ అఖంద్ లాంటి ప్రతిభావంతులైన దేశీయ ఆటగాళ్లు హైదరాబాద్కు ప్రాతినిధ్యం వహిస్తున్నారు. ఇంగ్లీష్ ప్లేయర్ మాథ్యూ కిల్గలాన్, రఫా లోపేజ్ గేమేజ్ లాంటి ఆటగాళ్లతో హైదరాబాద్ ఎఫ్సి డిఫెన్స్ పటిష్టంగా ఉండటం విశేషం.