సొంతగడ్డపై గెలుపు: పాయింట్ల పట్టిక టాప్‌లో ఢిల్లీ

భయపడని ఢిల్లీ డైనమోస్

ఏ దశలోనూ ఢిల్లీ డైనమోస్ భయపడిన దాఖలాలు కనిపించలేదు. అనాస్ ఎడాథోడికా బంతిని స్వాధీనం చేసుకున్నా ప్రత్యర్థులు ఆయన నుంచి సురక్షితంగా బంతిని బయటకు లాగేశారు. ఢిల్లీ జట్టుకు మార్సిలిన్హో లీడ్‌గా వ్యవహరించారు. ఆయన పంపిన పాస్‌ను భారత్ మిడ్ ఫీల్డర్ మిలాన్ సింగ్ సద్వినియోగంచేసుకోలేక మహ్మద్ రఫీకి పంపాడు. తర్వాత కెర్వెన్స్ బెల్ఫోర్ట్ శుభారంభాన్ని అందుకున్నా.. ఢిల్లీ డిఫెండర్ సునాయాసంగా తిప్పికొట్టాడు. తర్వాత మాలౌదా నుంచి అద్భుతమైన డయాగ్నల్ పాస్ వచ్చినా కియాన్ లూయిస్ దాన్ని గోల్‌పోస్ట్‌కు పంపడంలో విఫలం అయ్యాడు.

కేరళ బ్లాస్టర్స్ కు ఫ్యాన్స్ మద్దతు

మ్యాచ్ జరిగిన జవహర్ లాల్ నెహ్రూ స్టేడియంకు గణనీయ స్థాయిలోనే చేరుకున్న ఫ్యాన్స్ సమక్షంలో తొలి అర్థగంట ఆట ముగిసే సమయానికి మార్సిలిన్హో శక్తిమంతమైన వాలీతో ఓపెనింగ్ గోల్‌కు అత్యంత సమీపానికి వెళ్లాడు. కానీ గోల్ పోస్టు వరకు వెళ్లిన బంతి నెట్ పక్కనుంచి వెళ్లిపోయింది. ఆ తర్వాత కూడా గాడ్జె, రాబున్ గొంజాలెజ్ రోచా చేసిన పలు ప్రయత్నాలు సఫలం కాలేదు. కేరళ బ్లాక్ బస్టర్స్ ప్లేయర్ డిడియర్ బోరిస్ కాడియో డైవింగ్ హెడ్డర్‌తో పంపిన బంతి లక్ష్యానికి చేరుకోలేకపోయింది. కానీ సెకండాఫ్ ప్రారంభంతోనే పరిస్థితులు మారిపోయాయి.

నాలుగు నిమిషాల లోపే ఢిల్లీ డైనమాస్ రెండు గోల్స్

నాటకీయంగా ఢిల్లీ డైనమోస్‌కు అనుకూలంగా మారాయి. కేవలం నాలుగు నిమిషాల గడువులోపే ఢిల్లీ డైనమాస్ రెండు గోల్స్ చేయడంతో మ్యాచ్‌పై పట్టు సాధించారు. తొలుత కియాన్ లూయిస్ తన సహచర స్ల్రయికింగ్ ప్లేయర్ గాడ్జె సహకారంతో గోల్ పోస్ట్‌కు పంపిన బంతిని కేరళ బ్లాక్ బస్టర్స్ కు చెందిన ఇండియన్ గోల్ కీపర్ సందీప్ నాండే నిలువరించలేకపోయాడు. ఒక గోల్ సాధించడంతో ఆత్మ విశ్వాసం పెంపొందించుకున్న హోం టీమ్ చెలరేగిపోయింది. సంచలనం మార్సిలిన్హో బంతిని అద్భుతమైన రీతిలో హెడ్డర్ ద్వారా నేరుగా గోల్‌గా మలిచాడు.

గెలుపుపై ఢిల్లీ కోచ్ జంబ్రొట్టా హర్షం

తద్వారా మిగతా సమయం అంతా డిఫెన్స్, అటాకింగ్‌కు ప్రాధాన్యం ఇవ్వడంతోనే కాలం గడిసిపోయింది. సొంతగడ్డపై జట్టు విజయం సాధించినందుకు ఢిల్లీ కోచ్ జంబ్రొట్టా హర్షం వ్యక్తంచేశాడు. తాము ఎంత కష్టపడినా సరైన దిశలో ప్రయాణించడానికి సమస్యను ఎదుర్కొంటున్నామన్నాడు. కఠినమైన మ్యాచ్‌లలో విజయం సాధించినందుకు సంతోషంగా ఉన్నదని తెలిపాడు. ఇక కేరళ బ్లాక్ బస్టర్స్ మేనేజర్ స్టీవ్ కొప్పెల్ అనుకోకుండా చేసిన తప్పదాలే తమ ఓటమికి కారణమని వ్యాఖ్యానించాడు. తమ గేమ్స్ స్టయిల్ స్వల్పంగా మార్చుకోవాల్సి ఉన్నదని కొప్పెల్ అంగీకరించాడు. అయినా ఈ మ్యాచ్ లోనూ జట్టు ఓటమి పాలవ్వడంపై ఆయన నిరాశకు గురయ్యాడు.