న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
ఇండియన్ సూపర్ లీగ్ అంచనాలు
VS

ఉరుగ్వేను ఓడించి.. ప్రపంచకప్‌లో ఆరోసారి సెమీస్‌కు చేరిన ఫ్రాన్స్

france-beat-uruguay-2-0-to-semi-finals

హైదరాబాద్: ఫిఫా ప్రపంచకప్ 2018 హాట్ ఫేవరెట్స్‌లో ఒకటైన ఫ్రాన్స్ ట్రోఫీ దిశగా మరో అడుగు ముందుకు వేసింది. సెమిస్‌లో తొలి బెర్త్‌ను ఫ్రెంచి జట్టు ఖరారు చేసుకుంది. క్వార్టర్స్‌లో మాజీ ఛాంపియన్‌ ఉరుగ్వేతో జరిగిన మ్యాచ్‌లో 2-0తో గెలిచి సెమీస్‌కు చేరుకుంది.

మ్యాచ్‌ ఆరంభం నుంచి ఇరు జట్లు పోటాపోటీగా పోరాడినా.. చివరికి విజయం మాత్రం ఫ్రాన్స్‌నే వరించింది. తొలి అర్ధభాగంలో గోల్‌ కోసం ఇరు జట్లు తీవ్రంగా ప్రయత్నించాయి. ఈ క్రమంలో మ్యాచ్‌ 40వ నిమిషంలో ఫ్రాన్స్‌ ఆటగాడు వరానే.. హెడర్‌గోల్‌తో తన జట్టుకు తొలి గోల్‌ అందించాడు. తర్వాత మరో గోల్‌ కోసం ప్రయత్నించినా ఫలితం లేకపోవడంతో తొలి అర్ధభాగంలో 1-0తో ఫ్రాన్స్‌ ఆధిక్యంలో నిలిచింది.

1
958078

అనంతరం ప్రారంభమైన రెండో అర్ధభాగంలోనూ ఇరు జట్లూ సమానంగా బంతిని నియంత్రణలో పెట్టుకొని గోల్‌ కోసం ప్రయత్నించాయి. ఈ క్రమంలో 61వ నిమిషంలో గ్రీజ్‌మన్‌ గోల్‌ చేసి ఫ్రాన్స్‌ ఆధిక్యాన్ని 2-0కి పెంచాడు.

రెండు సార్లు ప్రపంచ ఛాంపియన్ ఉరుగ్వేను క్వార్టర్స్‌లో ఓడించి సెమిస్‌లో అడుగు పెట్టింది ఫ్రాన్స్. తద్వారా ఆరోసారి ప్రపంచకప్ సెమిస్‌లో అడుగుపెట్టింది ఈ జట్టు. 2006 తర్వాత ఫ్రాన్స్ సెమిస్‌లోకి ప్రవేశించడం ఇదే తొలి సారి కావడం గమనార్హం. 1998లో చివరి సారి ఫ్రెంచి జట్టు సాకర్ ప్రపంచకప్ విజేతగా నిలిచింది. ఇరవై యేళ్ల తర్వాత ఈ జట్టు ఇప్పుడు ట్రోఫీకి మరో రెండు అడుగుల దూరంలో నిలిచింది.

ఎటాకింగ్‌ గేమ్‌తో మరో గోల్‌ కోసం ఫ్రాన్స్‌ పోరాడినా ఫలితం లేకపోవడంతో 2-0తో గెలిచి ఫ్రాన్స్‌ సెమీస్‌కు చేరుకుంది. బలమైన డిఫెన్స్‌ ఉన్న ఉరుగ్వే..‌ ఫ్రాన్స్‌ ఎటాకింగ్‌ గేమ్‌ను నిలువరించలేక నిరాశగా టోర్నీ నుంచి నిష్క్రమించింది. బ్రెజిల్, బెల్జియంల మధ్యన మంగళవారం జరిగే మరో క్వార్టర్ ఫైనల్ మ్యాచ్‌లో విజేతతో ఫ్రాన్స్ సెమిస్‌లో తలపడనుంది.

Story first published: Friday, July 6, 2018, 22:32 [IST]
Other articles published on Jul 6, 2018
-
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X