జొహాన్నెస్ బర్గ్: సాకర్ అభిమానులను విశేషంగా అలరిస్తున్న ఫుట్ బాల్ ప్రపంచకప్ లో ఆసక్తికరమైన ముగింపుకు రంగం సిద్ధమయింది. ప్రపంచకప్ సాకర్ చరిత్రలో సరికొత్త అధ్యాయాన్ని లిఖించడానికి యూరోపియన్ దిగ్గజాలు స్పెయిన్, నెదర్లాండ్స్ సమాయత్తమయ్యాయి. ఎవరు గెలిచినా చరిత్ర సృష్టించనున్న నేథ్యంలో ఇరు జట్లు ఫుట్ బాల్ వరల్డ్ కప్ ఫైనల్లో ఆదివారం అమీతుమీ తేల్చుకోనున్నాయి. ఇంతవరకూ ఒక్క ప్రపంచకప్ ను కూడా కైవసం చేసుకోని స్పెయిన్, నెదర్లాండ్స్ జట్లు ఓ ప్రధాన టోర్నమెంట్ తుదిపోరులో తలపడడం ఇదే తొలిసారి. ఈ నేపథ్యం లో 1950లో నాలుగోస్థానంతో సంతృప్తి చెందిన యూరోకింగ్ స్పెయిన్ తొలిసారి ప్రపంచకప్ టైటి ల్ గెలిచి సత్తా చాటాలని పరితపిస్తుండగా... 1974, 1978లలో ఫైనల్ కు చేరినా అంద ని ద్రాక్షలా ఊరిస్తున్న కప్ ను ఈసారైనా ఒడిసిపట్టాలని ఆరెంజ్ సేన కృతనిశ్చయంతో ఉంది. మొదటిసారి యూరప్ వెలుపల ఓ యూరోపియన్ జట్టు విజేతగా నిలవనున్న ఈ చారిత్రక ఫైనల్ కు సాకర్ సిటీ స్టేడి యం వేదికగా నిలవనుంది. #13;