హైదరాబాద్: ఫిఫా ప్రపంచకప్లో బెల్జియం ఆరంభంలోనే అదరగొట్టింది. సోమవారం రాత్రి జరిగిన మ్యాచ్లో 3-0 తేడాతో పనామాని చిత్తుగా ఓడించి బెల్జియం ఘన విజయం సాధించింది. దీంతో ప్రపంచ కప్ బోణీ చేసి 3-0 స్కోరుతో ఖాతా తెరచింది.
ఫిఫా వరల్డ్ కప్లో ఏరోజు ఏమ్యాచ్ | ఫిఫా వరల్డ్ కప్ 2018 పాయింట్ల పట్టిక
టోర్నీలో తొలిసారి అడుగుపెట్టిన పనామా.. ఆఖరి వరకూ కనీసం ఒక గోల్ కూడా నమోదు చేయలేకపోయింది. బంతిని పూర్తిగా తన నియంత్రణలో ఉంచుకున్న బెల్జియం పదే పదే పనామా గోల్పోస్టులపై దాడికి దిగింది. దీంతో ప్రపంచకప్లో బెల్జియం బోణికొట్టినట్లైంది.
Full time | 🇧🇪🆚🇵🇦 3-0 😃#REDTOGETHER #WorldCup #BELPAN pic.twitter.com/OiBwXxI1gE
— Belgian Red Devils (@BelRedDevils) June 18, 2018
తొలి అర్ధభాగం ఏ గోల్స్ చేయలేకపోయినా.. ద్వితీయార్థం మొదలైన రెండు నిమిషాల్లోనే డ్రైయిస్ మెర్టన్ తొలి గోల్ చేసి జట్టకు ఆధిక్యం అందజేశాడు. మ్యాచ్ 47వ నిమిషంలో మార్టెన్స్ గోల్ కొట్టి బెల్లియంకి 1-0తో ఆధిక్యం ఇవ్వగా.. 69వ నిమిషంలో లుకాకు కళ్లు చెదిరే గోల్తో ఆధిక్యాన్ని 2-0కి పెంచాడు. దీంతో.. పూర్తిగా ఆత్మరక్షణలోకి పడిపోయిన పనామా.. ఎదురుదాడికి ప్రయత్నించింది. కానీ.. బెల్లియం డిఫెన్స్ని ఛేదించలేకపోయింది.
ఆ తర్వాత పనామా జట్టు ఏ దశలోనూ కోలుకోలేదు. ఈ దశలోనే 75వ నిమిషంలో మళ్లీ లుకకు గోల్తో పనామా ఓటమిని ఖాయం చేసేశాడు. మొత్తంగా మ్యాచ్లో గోల్ కోసం బెల్జియం 15 సార్లు ప్రయత్నించగా.. పనామా ఆరు సార్లు మాత్రమే ప్రయత్నించింది.