ఫిఫా వరల్డ్‌కప్ స్పెషల్: ఫోనిక్స్ పక్షిలా ఎదుగుతూ వచ్చిన స్పెయిన్

ఫుట్‌బాల్ రంగంలో స్పెయిన్ ప్రయాణం

లూయిస్ ఆరాగోనెస్ ఆధ్వర్యంలో స్పెయిన్ సాకర్ జట్టు 2008లో యూరో చాంపియన్ షిప్ గెలుచుకోవడంతో ఫుట్‌బాల్ రంగంలో దాని ప్రయాణం మొదలైంది. రెండేళ్ల తర్వాత 2010లో లూయిస్ ఆరాగోనెస్ శిష్యుడు విన్సెంట్ డెల్ బాస్క్ సారథ్యంలో వరల్డ్ కప్ టైటిల్ గెలుచుకోవడంతో అంతర్జాతీయ ఫుట్ బాల్‌కు నూతన చక్రవర్తి స్థానాన్ని ఆక్రమించింది స్పెయిన్.

నూతన జవసత్వాలు సంపాదించుకున్న స్పెయిన్

విన్సెంట్ డెల్ బాస్క్ ఆధ్వర్యంలో 2012లో స్పెయిన్ జట్టు రెండోసారి యూరోపియన్ చాంపియన్ షిప్ టైటిల్ గెలుచుకున్నది. ఇటలీపై జరిగిన యూరోపియన్ చాంపియన్ షిప్ టైటిల్ పోరులో 4-0 స్కోర్ తేడాతో గెలుపొందింది. ఇలా వరుసగా మూడు టోర్నమెంట్లలో వరుసగా గెలుపొందడంతో నూతన జవసత్వాలు సంపాదించుకున్నది స్పెయిన్.

ప్రపంచ కప్ టైటిల్ గెలుచుకోవాలన్న కల

స్పెయిన్ జట్టు మేనేజ్మెంట్‌లో ప్రపంచ కప్ టైటిల్ గెలుచుకోవాలన్న కల మొదలైంది. అదీ 2014 వరల్డ్ కప్ చాంపియన్ షిప్‌ను నిలుపు కోవాలన్న ఆశలు అడియాసలయ్యాయి. 2014 టోర్నమెంట్‌లో ప్రారంభంలోనే డచ్, చిలీ జట్ల చేతిలో ఓటమి పాలై స్పెయిన్ తన ఆశలు వదులుకున్నది. తిరిగి రెండేళ్ల తర్వాత 2016లో యూరోపియన్ చాంపియన్ షిప్ టైటిల్ గెలుచుకోవడంలోనూ విఫలమైన దరిమిలా జట్టు నుంచి విన్సెంట్ డెల్ బాస్క్ నిష్క్రమించాల్సిన పరిస్థితి నెలకొంది. జట్టును పూర్తిగా పునర్వ్యవస్థీకరించారు.

యువతరంతో స్పెయిన్‌కు పూర్వ వైభవం సాధ్యమేనా?

ఈ దఫా టోర్నీలో శుభారంభాన్ని అందుకుంటే స్పెయిన్ తన గత పూర్వ వైభవాన్ని సంతరించుకోగలదని అంచనా వేస్తున్నారు. ఇనైస్టా, సెర్జియో రామోస్, డేవిడ్ సిల్వా వంటి చాకుల్లాంటి కుర్రాళ్లతోపాటు ఫ్రాన్సిస్కో ఇస్కో ఆలార్కన్, మార్కో అసెంసియో వంటి కొత్తగా యువ రక్తం స్పెయిన్ టీంకు అందుబాటులోకి వచ్చింది. పెప్ గౌరాడియోలా శిక్షకుడిగా బార్సిలోనా క్లబ్ జట్టు లా లీగా, చాంపియన్స్ లీగ్ టైటిళ్ల పరిధిలో శక్తిమంతమైన జట్టుగా ఎదిగింది.

స్పెయిన్ జట్టులో ఆ ఏడుగురు

2010 వరల్డ్ కప్ టైటిల్‌ను గెలుచుకున్న స్పెయిన్ జట్టులో ఏడుగురు, 2012లో జరిగిన యూరోపియన్ చాంపియన్ షిప్ టోర్నీలో ఆరుగురు బార్సిలోనా క్లబ్‌ ప్లేయర్లే కావడం గమనార్హం.

రియల్ మాడ్రిడ్ కంటే బార్సిలోనా జట్టుకే ఎక్కువ ప్రాధాన్యం

ఇటీవల ‘లా లీగా' లీగ్‌లో పూర్తిగా యువరక్తంతో కూడిన ప్లేయర్లు గల రియల్ మాడ్రిడ్ జట్టు విజయాలు సాధించడంతో అందరి ద్రుష్టిని కేంద్రీకరించింది. ప్రస్తుతం స్పెయిన్ జట్టు ఆటతీరులో బార్సిలోనా క్లబ్ మార్కు ఎక్కువగా కనిపిస్తున్నదని చెబుతున్నారు.