60 ఏళ్ల తర్వాత ఫిఫాలో విజయం సాధించిన స్వీడన్

హైదరాబాద్: ఫిఫా ప్రపంచకప్‌ 'గ్రూప్‌ ఎఫ్'‌లో సోమవారం జరిగిన మ్యాచ్‌లో స్వీడన్‌ దక్షిణ కొరియాపై 1-0 తేడాతో విజయం సాధించింది. దీంతో ప్రపంచకప్‌లో స్వీడన్‌ బోణీ చేసినట్లైంది. మ్యాచ్‌ మొత్తంలో ఎక్కువ భాగం బంతిని తమ నియంత్రణలోనే ఉంచుకున్న స్వీడన్ 65వ నిమిషంలో గోల్ కొట్టింది. స్వీడన్‌ డిఫెండర్‌ ఆండ్రియాస్‌ గ్రాన్‌క్విస్ట్‌ గోల్‌గా మలిచాడు.

ఆ తర్వాత ఆధిక్యాన్ని సమం చేసేందుకు దక్షిణ కొరియా ఆఖరి వరకూ ప్రయత్నించినా.. లాభం లేకపోయింది. ఇది అతని అంతర్జాతీయ కెరీర్‌లోనే ఏడో గోల్. దీంతో స్వీడన్‌కు 1-0 ఆధిక్యం లభించింది. మ్యాచ్‌ చివరి వరకు తన ఆధిక్యాన్ని నిలబెట్టుకొంది. మ్యాచ్‌ 65వ నిమిషంలో దక్కిన పెనాల్టీని స్వీడన్ చక్కగా వినియోగించుకుంది.

FT // #SWE win!

They join #MEX on three points in Group F after today's result against #KOR#WorldCup pic.twitter.com/K4EQFaRY7F

— FIFA World Cup 🏆 (@FIFAWorldCup) June 18, 2018

మ్యాచ్‌ మొత్తంలో స్వీడన్ 15 సార్లు గోల్‌పోస్టుపై దాడులు చేయగా.. దక్షిణా కొరియా 5 సార్లు మాత్రమే గోల్ ప్రయత్నం చేసింది. 2002లో నైజీరియాతో జరిగిన మ్యాచ్‌ తర్వాత ప్రపంచ కప్‌లో స్వీడన్‌ గోల్‌ కొట్టిన తొలి పెనాల్టీ ఇదే కావడం గమనార్హం. దక్షిణ కొరియా స్వీడన్‌తో తలపడిన చివరి ఐదు సార్లు ఓటమి పాలైంది. ఈ మ్యాచ్‌కు మరో విశేషం కూడా ఉంది.

Even in possession, but #SWE create more chances in Nizhny Novgorod and grab the goal to win the game...#SWEKOR pic.twitter.com/oO1OLPucK9

— FIFA World Cup 🏆 (@FIFAWorldCup) June 18, 2018

1958 తర్వాత ప్రపంచకప్‌ మొదటి మ్యాచ్‌లో స్వీడన్ గెలుపొందడం ఇదే తొలిసారి. అప్పట్లో మెక్సికోతో జరిగిన మ్యాచ్‌లో 3-0 తేడాతో స్వీడన్ గెలిచింది. ఆ తర్వాత జరిగిన ప్రపంచకప్‌ తొలి మ్యాచ్‌ల్లో నెగ్గలేదు. ఐదు సార్లు ఓడిపోగా.. రెండు సార్లు ఫలితం తేలలేదు.

#SWEKOR | That was the first #WorldCup goal for #SWE since Henrik Larsson scored against #ENG in 2006... pic.twitter.com/IX05YL4vbw

— FIFA World Cup 🏆 (@FIFAWorldCup) June 18, 2018