నెల్ స్ప్రూట్ : న్యూజిల్యాండ్- ఇటలీ మధ్య జరిగిన మ్యాచ్ డ్రాగా ముగిసింది. ఆదివారం గ్రూప్ ఎఫ్ లో జరిగిన పోరులో ఆల్ వైట్స్ (న్యూజిలాండ్ ) 1-1 గోల్స్ తో డిఫెండింగ్ ఛాంపియన్ ఇటలీని నిలువరించింది. ఫిఫా ర్యాంకింగ్స్ లో ఇటలీ (5వ ర్యాంకు) కన్నా 74 స్థానాలు వెనకున్న న్యూజిలాండ్ (79వ ర్యాంకు)..స్మెల్జ్ ఏడో నిమిషంలో చేసిన గోల్ తో ఆధిక్యంలోకి వెళ్లి అందరినీ ఆశ్చర్యానికి గురి చేసింది. కానీ 29వ నిమిషంలో పెనాల్టీని. డిన్సెంజె ఇకింటా గోల్ గా మలవడంలో ఇటలీ వూపిరిపీల్చుకుంది. ఆ తర్వాత ఇటలీ ఎంత ప్రయత్నించినా విజయానికి కావాల్సిన గోల్ సాధించలేకపోయింది. వరుసగా రెండో మ్యాచ్ నూ కూడా డ్రా చేసుకున్న ఇటలీ, న్యూజిలాండ్ లకు ఇంకా నాకౌట్ కు చేరే అవకాశాలున్నాయి. చివరి మ్యాచ్ లో స్లొవేకియాతో ఇటలీ.. పరాగ్వేతో న్యూజిలాండ్ లు తలపడతాయి. గెలిస్తే ఇతర సమీకరణాలతో సంబంధం లేకుండా నేరుగా ముందుకెళ్తాయి.