కొలంబియా స్మగ్లర్లకు సాకర్ పండగ

బొగోటా (కొలంబియా): ఆటలకు సంబంధించి పిచ్చి వేహ్సాలు ఉంటాయి. ఫుట్ ‌బాల్‌ ప్రపంచకప్‌ జరుగుతుండటంతో సాకర్‌ వీరాభిమానులు విచిత్ర వేషధారణలు...నమూనా వరల్డ్‌కప్‌ ప్రతిమలతో సందడి చేస్తున్న సంగతి తెలిసిందే. సాధారణంగా అభిమానులు కాగితం, ప్లాస్టిక్‌తో ఈ ప్రతిమలను రూపొందిస్తుంటే కొలంబియాలో స్మగ్లర్లు మాత్రం తమ బుర్రకు పదునుపెట్టారు.

నిషేధిత పదార్థమైన కొకైన్‌తో ఫిఫా కప్‌ ప్రతిమను రూపొందించారు. సాకర్‌ సందడిలో దీన్ని పెద్దగా కనిపెట్టలేరనుకున్నారేమో...! కానీ బొగొటా అంతర్జాతీయ విమానాశ్రయ అధికారులు మాత్రం దీన్ని పట్టేశారు. తరచిచూస్తే...మాడ్రిడ్ ‌కు చెందిన ఓ బాక్స్‌లో 36 సెంటీమీటర్ల పొడవు ఉన్న ఈ ప్రతిమ బయటపడింది.11 కిలోల కొకైన్‌ను ఎసిటోన్‌ లేదా గ్యాసోలిన్‌తో మిశ్రమం చేసి దీన్ని తయారుచేశారు.