ఐ లీగ్: టైటిల్ కల సాకారమే ఈస్ట్ బెంగాల్ లక్ష్యం

గాయం కారణంగా మ్యాచ్‌లకు దూరమైన అర్నాబ్ మొండాల్‌

ట్రైనింగ్‌కు సమయం లేకపోవడంతో బుకెన్యా, ప్లాజాలు తొలి మ్యాచ్‌లో పాల్గొంటారన్నాడు. ఆసియా కోటాలో నాలుగో విదేశీ ఆటగాడితో ఈస్ట్ బెంగాల్ ఇంకా కాంట్రాక్ట్ కుదుర్చుకోలేదు. సెంటర్ బ్యాక్ ప్లేయర్ అర్నాబ్ మొండాల్ తీవ్ర గాయంతో కొద్ది మ్యాచ్‌లకు దూరంగా ఉన్నాడు. మిడ్ ఫీల్డర్ కెవిన్ లోబో కూడా శనివారం మ్యాచ్‌లో పాల్గొనడం అనుమానమే.

2011, 2012ల్లో టైటిల్ రన్నరప్‌గా ఈస్ట్ బెంగాల్

మోర్గాన్ శిక్షణలో 2011, 2012ల్లో ఐ లీగ్ టైటిల్ రన్నరప్‌గా నిలిచింది. ఈ దఫా టైటిల్ గెలుచుకునేందుకు తన శక్తియుక్తులను బ్రిటన్ కోచ్ మోర్గాన్ వినియోగించనున్నాడు. ‘ఆ రెండు సీజన్లలో టైటిల్ గెలుచుకోలేకపోవడం మా దురద్రుష్టకరం. మా అభిమానుల అంచనాలు భారీగా ఉన్నాయని నాకు తెలుసు' అని మోర్గాన్ వ్యాఖ్యానించాడు.

లక్ష్యం టైటిల్: సర్వశక్తులు ఉపయోగిస్తాం

ఈ దఫా టైటిల్ గెలుచుకునేందుకు సర్వశక్తులు ఉపయోగిస్తామని అన్నాడు. ఐ లీగ్‌తోపాటు ప్రతి మ్యాచ్‌లోనూ విజయానికి కష్టపడి పనిచేస్తామన్నాడు. మోకాలు, చీల మండల గాయాలతో ఆటగాళ్లు ముందుకు వెళ్లడం అసాధ్యమన్నాడు. లక్ష్య సాధనకు శక్తి సామర్థ్యాలను పెంపొందించాల్సిన అవసరం ఉన్నదన్నాడు.

విదేశీ ఆటగాళ్లు ప్రధాన పాత్ర

ఐజ్వాల్ జట్టు కోచ్‌గా ఖాలిద్ జమీల్ తన ప్రత్యర్థి జట్ల శక్తి సామర్థ్యాలు తెలిసి అందుకు అనుగుణంగా వ్యూహరచన చేశాడు. లైబేరియన్ స్ట్రయికర్ అల్‌ఫ్రెడ్ జార్యన్ సారథ్యంలో నైజిరియన్ ఎజె కింగ్స్‌లే, ఐవరీ కోస్ట్ కామో బాయి ఇతర విదేశీ ఆటగాళ్లు ప్రధాన పాత్ర పోషించనున్నారు. వీరితోపాటు జయేశ్ రాణె, అశుతోష్ మెహతా కూడా తన శక్తియుక్తులు ప్రదర్శించనున్నారు. తాము డిఫెన్సివ్‌గా ముందుకెళ్లగలమని తెలిపాడు.