మాకు వ్యతిరేకంగా ఓటేశారో... సాకర్ సభ్యదేశాలకు ట్రంప్ వార్నింగ్..!

రాజకీయ జోక్యం నిషేధించిన ‘ఫిఫా'

ముందుగా అంతా తెలుసుకోవాల్సిన అంశమేమిటంటే ఫిఫా నిబంధనల ప్రకారం.. ఆయా టోర్నమెంట్ల నిర్వహణకు ఆతిథ్య హక్కుల కోసం రాజకీయ జోక్యం చేసుకోవడం నిషేధం. ఏ రూపంలోనూ ఫిఫా వ్యవహారాల్లో జోక్యం చేసుకోవడం తగదు. ఇటీవల నిబంధనలను ఉల్లంఘించిన ఫాకిస్థాన్, గ్వాటెమాలాలను అంతర్జాతీయంగా బిడ్ల దాఖలు నుంచి సస్పెండ్ చేస్తూ ఫిఫా నిర్ణయం తీసుకున్నది.

స్వతంత్రంగా పని చేయాలని ఫిఫా ఆకాంక్ష

ప్రతి దేశంలోని ఫుట్‌బాల్ సమాఖ్య పూర్తిగా స్వతంత్రంగా పని చేయాలనేదే ఫిఫా కోరిక. 2 సంస్థల మధ్య పోటీ విషయంలో నిబంధనలను అధిగమించకుండా ఉండాలి. అప్రతిహతంగా, ఎంపిక చేసిన నిబంధనలను కఠినంగా అమలు చేయాల్సిందే. కానీ సాకర్ సభ్య దేశాలను ఉద్దేశించి అమెరికా అధ్యక్షుడు డొనాల్డ్ ట్రంప్ చేసిన హెచ్చరిక ఖచ్చితంగా అతి తక్కువ ఫలితానిస్తుందని చెప్తున్నారు.

సాకర్ సభ్య దేశాల నుంచి ఒరిగేదేమీ లేదని వ్యాఖ్యలు

ఫిఫా నిబంధనల ప్రకారం అమెరికా నుంచి వివిధ సాకర్ సభ్య దేశాలకు రాజకీయ మద్దతు వల్ల వచ్చే జూన్ 13వ తేదీన మాస్కోలో జరిగే ఫిఫా కార్యవర్గంలో ఒనగూడే ప్రయోజనం ఏమీ లేదని చెప్తున్నారు. సాకర్ సభ్య దేశాలు.. బెదిరింపులకు లొంగి అమెరికా కూటమికి అనుకూలంగా ఓటేసే అవకాశాల్లేవు. ఒకవేళ ఫుట్ బాల్ సమాఖ్యలను రాజకీయ నాయకులు ప్రభావితం చేస్తే ప్రభుత్వం జోక్యం చేసుకున్నట్లేనని అంటున్నారు. అదే జరిగితే సభ్య దేశాలపై ఫిఫా చర్యలు తీసుకోక తప్పనిసరి పరిస్థితి నెలకొననుంది.

సాకర్ కప్ నిర్వహణపై అమెరికా కూటమి ఇలా

వాస్తవంగా అమెరికా కూటమి బిడ్‌ను కోల్పోవాలని భావిస్తోంది. ముందుగా బయటపెట్టిన వివరాల ప్రకారం బిడ్ గెలుచుకుంటే అమెరికాలో 60 గేమ్స్, మెక్సికో, కెనడా దేశాల్లో పదేసి మ్యాచ్ లు నిర్వహించాలని వేసుకున్న ప్రణాళిక.. బిడ్ గెలువడానికి ఏ కోశాన సరిపోదని చెబుతున్నారు. ఇదంతా ప్రస్తుత దశలో మొరాకో సమానంగా అమెరికా కూటమి ప్రయత్నాలు చేస్తున్నట్లేనని అభిప్రాయ పడుతున్నారు.

అమెరికా సాకర్ చైర్మన్ రాజీనామా

సాకర్ కప్ అమెరికా కూటమి బిడ్ చైర్మన్‌గా అమెరికా సాకర్ అధ్యక్షుడు సునీల్ గులాటీ గత మార్చిలో రాజీనామా చేశారు. దీంతో కెనడా సాకర్ అధ్యక్షుడు స్టీవెన్ రీడ్, మెక్సికో ఫుట్‌బాల్ ఫెడరేషన్ అధ్యక్షుడు డిసియో డీ మారియా, అమెరికా ఫుట్ బాల్ అధ్యక్షుడు కార్లోస్ కార్డియిరో బిడ్ కమిటీకి సహ అధ్యక్షులుగా ఉన్నారు.

ట్రంప్ ట్వీట్‌తో పరిస్థితులు ప్రతికూలం

అమెరికా కూటమి బిడ్ కోసం అమెరికా అధ్యక్షుడు డొనాల్డ్ ట్రంప్ చేసిన ట్వీట్ సానుకూల ఫలితాలివ్వబోదని క్రీడా పండితులు చెబుతున్నారు. ట్రంప్ తన ట్వీట్ తో తనకు తాను సమస్యలు తెచ్చి పెట్టారని విమర్శలు వెల్లువెత్తుతున్నాయి. ట్రంప్ ట్వీట్‌తో బిడ్ కూటమి సభ్య దేశాలు మెక్సికో, కెనడా తమకు తాము దూరం కావాలని కోరుకుంటున్నాయి.