ఐదుగురు పిల్లల తర్వాత పెళ్లి: రొనాల్డో-జార్జినా లవ్ స్టోరీకి హ్యాపీ ఎండింగ్!

ప్రముఖ ఫుట్‌బాల్ క్రీడాకారుడు క్రిస్టియానో రొనాల్డో తన ప్రేయసి జార్జినా రోడ్రిగెజ్‌ను త్వరలో పెళ్లి చేసుకోబోతున్నాడు. ఈ జంటకు ఇప్పటికే ఐదుగురు పిల్లలున్నారు. అయినప్పటికీ వారు పెళ్లి చేసుకోకుండా కేవలం ప్రేమించుకుంటూనే ఉన్నారు. వారి పెళ్లి వార్త అభిమానులకు ఆనందాన్ని పంచుతోంది. పెళ్లి చేసుకోకుండా సహజీవనం చేస్తూ ఐదుగురు పిల్లలకు తల్లిదండ్రులైన ఈ జంట ఇప్పుడిప్పుడే వివాహ బంధంలోకి అడుగుపెట్టనున్నారు.

జార్జినా, రొనాల్డో 2016లో స్పెయిన్‌లో కలుసుకున్నారు. అప్పుడు జార్జినా ఒక గూచీ దుకాణంలో సేల్స్‌గర్ల్‌గా పనిచేసేవారు. అప్పుడు వారిద్దరి మధ్య స్నేహం మొదలైంది. ఈ స్నేహం 2017లో ప్రేమగా మారింది. ఆ తర్వాత వారిద్దరూ కలిసి జీవించడం మొదలుపెట్టారు. ఈ జంటకు అలనా మార్టినా, బెల్లా అనే ఆడపిల్లలు పుట్టారు. రొనాల్డోకు ఉన్న మరో ముగ్గురు పిల్లలను కూడా జార్జినా పెంచుతున్నారు. 2022లో ఈ జంటకు కవలలు పుట్టారు. వారిలో ఒక మగపిల్లవాడు చనిపోయాడు. ఈ ఘటనతో రొనాల్డో, ఆయన ప్రేయసి తీవ్ర విషాదంలో మునిగిపోయారు. ఈ సమయంలో క్రిస్టియానో రొనాల్డో తనను పెళ్లి చేసుకోవాలని అడుగుతూ, చాలా విలువైన వజ్రపు ఉంగరాన్ని బహుమతిగా ఇచ్చారు.

జార్జినా కూడా సరే అని సమాధానం ఇచ్చి, దానిని సోషల్ మీడియాలో పోస్ట్ చేశారు. దీనితో ఈ జంటకు త్వరలో వివాహం జరగనుంది. క్రిస్టియానో రొనాల్డో ప్రస్తుతం సౌదీ అరేబియాలోని అల్-నాసర్ అనే జట్టు తరఫున ఆడుతున్నారు. క్రిస్టియానో రొనాల్డో కుటుంబం పోర్చుగల్ నుంచి వచ్చింది. సమయం దొరికినప్పుడల్లా ఈ జంట సౌదీలో గడుపుతారు. ఇప్పటికే చాలా మంది పిల్లలు ఉన్నప్పటికీ రొనాల్డో జార్జినాను కేవలం ప్రేయసిగానే చూశారు. విదేశాలలో వివాహం తర్వాత విడాకులు తీసుకుంటే సగం ఆస్తులు కోల్పోవాల్సి వస్తుంది. అందుకే చాలా మంది ప్రముఖులు పెళ్లి చేసుకోకుండానే భార్యాభర్తలుగా జీవిస్తున్నారు.