Fifa World Cup 2022: వరల్డ్ కప్‌లో ఎలిమినేట్ అయి.. ఇంటి దారి పట్టిన మరో జట్టు..!

ఖతర్ వేదికగా జరుగుతున్న ఫిఫా వరల్డ్ కప్‌ నుంచి మరో జట్టు నిష్క్రమించింది. కొన్నిరోజుల క్రితమే వరల్డ్ కప్ ఆతిథ్య జట్టు ఖతర్.. సెనెగల్ చేతిలో 3-1 తేడాతో ఓడి ఇంటి దారి పట్టిన సంగతి తెలిసిందే. ఇప్పుడు కెనడా కూడా అదే బాటలో నడిచింది. క్రొయేషియాతో జరిగిన మ్యాచ్‌లో తేలిపోయిన కెనడా.. 4-1 తేడాతో ఓటమిపాలై వరల్డ్ కప్ నుంచి ఎలిమినేట్ అయిపోయింది. ఈ మ్యాచ్‌లో కెనడాకు అదిరే ఆరంభం లభించినప్పటికీ ఆధిక్యాన్ని కాపాడుకోలేకపోయింది.

గత మ్యాచ్‌లో బెల్జియం చేతిలో 1-0 తేడాతో ఓడిన కెనడా జట్టు ఎలాగైనా గెలవాలని పట్టుదలగా కనిపించింది. అదే సమయంలో మొరాకోతో మ్యాచ్‌ను 0-0తో డ్రా చేసుకున్న క్రొయేషియా కూడా గెలుపు కోసం తహతహలాడింది. ఈ క్రమంలోనే మ్యాచ్ మొదలైన వెంటనే దూకుడు ప్రదర్శించిన కెనడా.. 70 సెకన్లలోనే తొలి గోల్ సాధించింది. ఆ జట్టు ప్లేయర్ ఆల్‌ఫోన్సో డేవిస్ అద్భుతమైన గోల్ చేశాడు. ఈ వరల్డ్ కప్‌లో మ్యాచ్ మొదలైన తర్వాత అత్యంత వేగంగా గోల్ చేసిన జట్టుగా కెనడా నిలిచింది.

అయితే ఈ ఆధిక్యాన్ని నిలుపుకోవడంలో కెనడా విఫలమైంది. తొలి గోల్ షాక్ నుంచి తేరుకున్న క్రొయేషియా బలంగా ప్రతిఘటించింది. మ్యాచ్ మొదలైన 36వ నిమిషంలో తొలి గోల్ చేసింది. ఆ వెంటనే 44వ నిమిషంలో క్రొయేషియా ప్లేయర్ మార్కో లివాజా మరో గోల్ చేశాడు. దీంతో తొలి హాఫ్‌ను 2-1 ఆధిక్యంలో ముగించిందా జట్టు. సెకండ్ హాఫ్ కూడా ఇదే రీతిలో జరిగింది.

రెండో సగం ఆట ఆరంభం నుంచే దూకుడు కనబరిచిన క్రొయేషియా.. మరో రెండు గోల్స్ చేసి తమ ఆధిక్యాన్ని అమాంతం పెంచేసుకుంది. దీంతో ఆట చివరకు 4-1 తేడాతో కెనడా ఓటమిపాలైంది. ఈ ఓటమితో ఆతిథ్య ఖతర్ తర్వాత ప్రపంచకప్ నుంచి నిష్క్రమించిన రెండో జట్టుగా కెనడా నిలిచింది.

For Quick Alerts
ALLOW NOTIFICATIONS
For Daily Alerts
ఇండియన్ సూపర్ లీగ్ అంచనాలు
VS
Story first published: Monday, November 28, 2022, 10:53 [IST]
Other articles published on Nov 28, 2022
+ మరిన్ని
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X