వరల్డ్ కప్ హాట్ ఫేవరేట్ బ్రెజిల్: గ్లోబల్ నీల్సన్ సర్వే

ప్రపంచకప్ ఫుట్ బాల్ లో బ్రెజిల్ హాట్ ఫేవరేట్ అని గ్లోబల్ నీల్సన్ సర్వేలో తేలింది. 34 శాతం మంది బ్రెజిల్ కప్పు చేజిక్కించుకుంటుందన్న ఆశాభావ వ్యక్తం చేశారు. ఇది ఏ దేశానికంటే అయినా 25 శాతం పాయింట్లను అధికంగా తెచ్చింది. రెండో స్ధానంలో 9 శాతంతో అర్జెంటీనా, ఇంగ్లాండ్, జర్మనీ, అమెరికా ఉన్నాయి. ప్రస్తుత చాంపీయన్ ఇటలీ ఈసారి కూడా కప్పును గెలుచుకుంటుందని ఆరు శాతం మంది అభిప్రాయపడ్డారు.

ప్రపంచకప్‌లో బ్రెజిలే ఫేవరెటని డిఫెండింగ్‌ ఛాంపియన్‌ ఇటలీ గోల్‌కీపర్‌ బఫన్‌ అన్నాడు. "2006 తర్వాత మా ప్రదర్శన అంత బాగా లేదు. మా జట్టు ఫేవరెట్‌ కాదు. ఇతర జట్లతో పోలిస్తే బ్రెజిలే అతి పెద్ద ఫేవరెట్‌. ఐతే మాపై మాకు విశ్వాసముంది. మా కోచ్‌ లిప్పికి మరో చారిత్రక విజయానివ్వాలనుకుంటున్నాం" అని బఫన్‌ చెప్పాడు.