ఫోటోలు: పోటెత్తిన అభిమాన జన ‘సందోహం’

యావరేజీగా 50 వేల మంది వీక్షకులు హాజరు

వచ్చేఏడాది జరిగే యు-17 వరల్డ్ కప్ నిర్వాహక స్టేడియంలలో ఒకటిగా నిలిచిన ఈ స్టేడియానికి ప్రస్తుత ఐఎస్ఎల్ సీజన్‌లో యావరేజీగా 50 వేల మంది వీక్షకులు హాజరు కాగా, ఫైనల్స్ కు గతేడాది చెన్నైయిన్ - ఎఫ్ సి గోవా మధ్య జరిగిన మ్యాచ్ కు 50 వేల మంది హాజరు కాగా, ఈ ఏడాది కోచి స్టేడియంకు 61,323 మంది అభిమానులు హాజరు కావడం రికార్డుగానే చెప్పుకోవచ్చు.

లక్ష మందికి పైగా వీక్షకులు హాజరై రికార్డు

ఫుట్‌బాల్ అభిమానులకు హాట్ బెడ్ గా పేరొందిన కోచి స్టేడియంలో 1997లో నెహ్రూ ఇంటర్నేషనల్ కప్ జరిగినప్పుడు ఇరాన్ - ఇండియా జట్ల మధ్య జరిగిన మ్యాచ్‌కు లక్ష మందికి పైగా వీక్షకులు హాజరై రికార్డు నెలకొల్పారు. ఇటీవల కూడా ఇదే స్టేడియంలో పలు ఇంటర్నేషనల్ మ్యాచ్ లు జరిగినా ప్రజాదరణ శూన్యం.

ఇదో తొలిసారి

ఈ ఏడాది మార్చిలో తుర్కెమినిస్థాన్ తో జరిగిన మ్యాచ్లో భారత్ 1 - 2 తేడాతో ఓటమి పాలైన మ్యాచ్‌కు గానీ, 2013లో పాలస్తీనాతో జరిగిన ఫ్రెండ్లీ మ్యాచ్ కు 40 వేల మంది మాత్రమే హాజరయ్యారు. 2014లో ఇండియా, వెస్టిండీస్ మధ్య అంతర్జాతీయ వన్ డే క్రికెట్ మ్యాచ్ కూడా నిర్వహించారు. కానీ ఆదివారం జరిగిన ఐఎస్ఎల్ 3 టైటిల్ మ్యాచ్ తరహాలో అభిమానుల జన సందోహం పోటెత్తడం ఇదే తొలిసారని చెప్పుకోవచ్చు.

విజయన్ నిరుత్సాహం

దేశవ్యాప్తంగా ఫుట్ బాల్ క్రీడకు ప్రోత్సాహం అందించాలన్న లక్ష్యంతో ప్రారంభించిన ఐఎస్ఎల్ టోర్నీలో మాజీ ఫుట్ బాల్ క్రీడాకారులను నిర్వాహకులు పట్టించుకున్న దాఖలాలు కనిపించడం లేదు. దీనికి ఉదాహరణ ఆదివారం జరిగిన మ్యాచ్ కోసం ప్రముఖ లెజెండ్ ఫుట్ బాలర్ ఐఎం విజయన్ పట్ల అనుసరించిన తీరే కారణం. సాధారణ అభిమాని మాదిరిగా రెండు టిక్కెట్లు కొనుక్కోవాల్సి వచ్చిందని ఆయన ఆవేదన వ్యక్తంచేశాడు.

నిర్వాహకులు పట్టించుకోలేదని ఆవేదన

ఫైనల్ మ్యాచ్ వీక్షించేందుకు తాను, తన కొడుకు రెండు సాధారణ టిక్కెట్లు కొనుక్కోవాల్సిన ఆగత్యం ఏర్పడిందన్నాడు. బ్లాక్ లో టిక్కెట్లు విరివిగా విక్రయించినా నిర్వాహకులు పట్టించుకోలేదన్నాడు. ఆయన అర్జున అవార్డు గ్రహీత, 1993, 1997, 1999లలో ఇండియన్ ప్లేయర్ ఆఫ్ ది అవార్డు గ్రహీత కూడా. ఈ అవార్డును పలుసార్లు గెలుచుకున్న ఏకైక భారతీయ ప్లేయర్ కూడా.

కేరళ జట్టుపై రూ.6 లక్షల ఫైన్

కేరళ బ్లాక్ బస్టర్స్ ఎఫ్ సి ఫ్రాంచైసీపై ఎఐఎఫ్ఎఫ్ క్రమశిక్షణా కమిటీ రూ.6 లక్షల జరిమానా విధించింది. లీగ్ దశలో నార్త్ఈస్ట్ యునైటెడ్ జట్టుతో జరిగిన మ్యాచ్‌లో జట్టు దుష్ర్పవర్తన, ప్రేక్షక పాత్ర పోషించినందుకు ఈ జరిమానా విధించినట్లు తెలిపింది. ఐదుగురు కేరళ ప్లేయర్లపై ఆంక్షలతోపాటు రూ. 2 లక్షల ఫైన్ విధించింది.

నార్త్ఈస్ట్ యునైటెడ్ జట్టుపై దుష్ప్రర్తన

సెమీ ఫైనల్స్‌ కు వెళ్లే దశలో నార్త్ఈస్ట్ యునైటెడ్ జట్టుపై జరిగిన మ్యాచ్‌లో దుష్ప్రర్తనతో వ్యవహరించినందుకు రూ.4 లక్షల జరిమాన విధించిన ఎఐఎఫ్ఎఫ్ క్రమశిక్షణా కమిటీ మొత్తం రూ. 6 లక్షలు జరిమానా చెల్లించాలని ఆదేశించింది.