Fifa World Cup 2022: బ్రెజిల్ రికార్డు సమం చేసిన బెల్జియం.. కెనడాపై ఉత్కంఠ విజయం!

ఫిఫా వరల్డ్ కప్‌లో భాగంగా కెనడా, బెల్జియం మధ్య జరిగిన మ్యాచ్‌లో బెల్జియం విజేతగా నిలిచింది. ఆట ఆరంభమైన దగ్గరి నుంచి జోరు మీద కనిపించిన కెనడా జట్టు.. ఎన్నో అవకాశాలను సృష్టించుకుంది. కానీ చివరకు వాటిని గోల్స్‌గా మలచలేకపోయింది. అదే సమయంలో తనకు దక్కిన ఏకైక అవకాశాన్ని బెల్జియం ప్లేయర్ మిచీ బాట్సుషాయి గోల్‌గా మలిచాడు. దీంతో తొలి అర్థభాగం చివర్లో బెల్జియం 1-0తో ఆధిక్యంలో నిలిచింది.

అంతకుముందు బెల్జియం ఆటగాడు యానిక్ కారస్కో.. బాక్సులో చేసిన తప్పిదం వల్ల అతనికి ఎల్లో కార్డ్ చూపించడంతోపాటు కెనడాకు పెనాల్టీ కిక్ కూడా లభించింది. అయితే బెల్జియం గోల్ కీపర్ థిబాట్ కర్టాయిస్ సరిగ్గా గెస్ చేసి గోల్ అడ్డుుకున్నాడు. ఇది ఆ జట్టుకు దొరికిన సులభమైన అవకాశం. దాన్ని కూడా కెనడా ఉఫయోగించుకోలేకపోయింది. ఆ తర్వాత కష్టపడి సృష్టించుకున్న అవకాశాలను కూడా కెనడా ఉపయగించుకోలేకపోయింది. తొలి హాఫ్‌లో ఆధిక్యంలో నిలిచిన బెల్జియం జట్టు.. రెండో అర్ధభాగం మొదలైన తర్వాత ఉత్సాహంగా కనిపించింది.

మొదటి అర్ధభాగంతో పోలిస్తే వాళ్ల ఆటతీరు కూడా మెరుగైంది. కెనడా కూడా చాలా బాగా పోరాడింది. కానీ గోల్స్ సమం చేయడంలో విఫలమైంది. ఈ విజయంతో గ్రూప్-ఎఫ్‌లో తొలి విజయం సాధించిన జట్టుగా బెల్జియం నిలిచింది. ఈ ఉత్కంఠభరిత విజయంతో బెల్జియం జట్టు మరో రికార్డు సృష్టించింది. ఫిపా వరల్డ్ కప్ గ్రూప్ దశలో వరుసగా 8 విజయాలు సాధించిన జట్టుగా బ్రెజిల్ పేరిట ఉన్న రికార్డును సమయం చేసింది.

ఆ జట్టు మిడ్‌ఫీల్డర్ కెవిన్ డి బ్రూన్‌కు 'ప్లేయర్ ఆఫ్ ది మ్యాచ్' అవార్డు దక్కింది. అలాగే ఈ గ్రూప్‌లో మూడు పాయింట్లతో అగ్రస్థానంలో నిలిచింది. ఇంతకుముందు ఈ గ్రూప్‌లో క్రొయేషియా, మొరాకో కూడా తలపడ్డాయి. కానీ ఈ మ్యాచ్ డ్రాగా ముగిసింది. దీంతో ఆ రెండు జట్లకు చెరొక పాయింట్ లభించింది.

For Quick Alerts
ALLOW NOTIFICATIONS
For Daily Alerts
Story first published: Thursday, November 24, 2022, 11:13 [IST]
Other articles published on Nov 24, 2022

Latest Videos

    + More
    + మరిన్ని
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Yes No
    Settings X