అన్ని ఫార్మాట్లకు రిటైర్మెంట్‌ ప్రకటించిన ఆల్‌రౌండర్‌

అత్యుత్తమ గౌరవంగా భావిస్తున్నా:

'అంతర్జాతీయ క్రికెట్‌ మండలిలో జింబాబ్వే క్రికెట్‌ సస్పెన్షన్‌కు గురైన సమయంలోనే ఈ నిర్ణయం తీసుకోవడం బాధగా ఉంది. అయినా నా చేతుల్లో ఏమీ లేదు. జింబాబ్వే తరఫున క్రికెట్‌ ఆడటం అత్యుత్తమ గౌరవంగా భావిస్తున్నా. నాకు ఈ అవకాశం దక్కడం గర్వంగా ఉంది' అని సాలమన్‌ మైర్ పేర్కొన్నాడు.

ఎన్నో జ్ఞాపకాలు:

'కెరీర్‌ రోలర్‌కోస్టర్‌లా ఎత్తుపల్లాలతో సాగింది. అంతర్జాతీయ క్రికెట్‌లో ఆడటం జీవితంలో ఒక్కసారి మాత్రమే వస్తుంది. ఆ అవకాశాన్ని సద్వినియోగం చేసుకోవడంలో అదృష్టవంతుడిని. అతి తక్కువ సమయంలోనే ఎన్నో జ్ఞాపకాలను సొంతం చేసుకున్నా. ఎలాంటి సమయంలోనైనా తన వెన్నంటే ఉండి సహకారమందించిన కుటుంబ సభ్యులు, స్నేహితులు, సహచర ఆటగాళ్లు, కోచ్‌లు, స్పాన్సర్లకు ధన్యవాదాలు' అని మైర్ తెలిపాడు.

జీవితంలో క్రికెట్ పెద్ద పాఠం:

ముఖ్యంగా అభిమానులకు ప్రత్యేక ధన్యవాదాలు తెలిపాడు. 'అభిమానులకు ప్రత్యేక ధన్యవాదాలు. నాకు ప్రపంచం నలుమూలల నుండి అభిమానులు ఉన్నారని అనుకోవట్లేదు. చాలా మంది స్నేహితులు మరియు నేను ఎప్పటికీ కలవని వారికి ధన్యవాదాలు. నా జీవితంలో క్రికెట్ పెద్ద పాఠం అవుతుందని సందేహం లేకుండా చెప్పగలను. జీవితంలో మరో ముందడుగు వేయాలనుకుంటున్నా' అని సాలమన్‌ మైర్ అన్నారు.

ఒక్క శతకమే:

29 ఏళ్ల మైర్ జింబాబ్వే తరఫున రెండు టెస్టులు, 47 వన్డేలు, తొమ్మిది టీ20లు ఆడాడు. అన్ని ఫార్మాట్లలో కలిపి ఒక శతకం, ఐదు అర్ధ శతకాలు సాధించాడు. అంతేకాదు 14 వికెట్లు కూడా తీసాడు. మైర్ అత్యధిక స్కోరు 112. 2017లో శ్రీలంకపై చేసాడు. 317 పరుగుల లక్ష్య ఛేదనలో మైర్ సెంచరీ చేసి జట్టుకు విజయాన్ని అందించాడు.