రొమాంటిక్ వీడియోను పోస్టు చేసిన యుజ్వేంద్ర చాహల్.. మై స్ట్రాంగెస్ట్ వుమెన్ అంటూ..!

రీల్స్, పోస్టుల వల్ల సోషల్ మీడియాలో ప్రాచుర్యం

చాహల్, ధనశ్రీ దంపతులు రీల్స్, పోస్ట్‌ల వల్ల సోషల్ మీడియాలో బాగా ప్రాచుర్యం పొందారు. వారు తరచుగా కలిసి డ్యాన్స్ చేస్తూ కనిపించే వీడియోలను పోస్ట్ చూస్తూ సందడి చేస్తారు. వీరిద్దరూ డిసెంబర్ 2020లో పెళ్లి చేసుకున్నారు. ధనశ్రీ వర్మ యూట్యూబర్. డ్యాన్స్ కొరియోగ్రాఫర్. ఆమెకు సోషల్ మీడియాలో చాలా ఫాలోయింగ్ ఉంది. మరోవైపు పరిమిత ఓవర్ల క్రికెట్‌లో భారత అగ్రగామి స్పిన్ బౌలర్లలో చాహల్ ఒకడు. ఐపీఎల్‌ 2022లో పర్పుల్ క్యాప్ హోల్డర్ (అత్యధిక వికెట్లు)గా చాహల్ నిలిచాడు.

ఇక ముగింపు పలకండంటూ చాహల్ అభ్యర్థన

ఇటీవల ఈ జంట విడాకులు తీసుకుంటారనే పుకార్లతో సోషల్ మీడియాలో పోస్టులు హోరెత్తిన సంగతి తెలిసిందే. ఇక తన వైవాహిక జీవితంపై వస్తున్న పుకార్లను నమ్మవద్దని చాహల్ తన అభిమానులను కోరాడు. ఇన్‌స్టాగ్రామ్ కథనంలో చాహల్ 'మా సంబంధానికి సంబంధించిన ఎలాంటి పుకార్లను విశ్వసించవద్దని మీ అందరికీ వినయపూర్వకమైన అభ్యర్థన. దీనికి ఇక ముగింపు పలకండి.' అంటూ పోస్టు చేశాడు.

ఇలాంటి వార్తలు నన్నేం దెబ్బతీయలేవంటూ ధనశ్రీ పోస్ట్

ఆ మధ్య 'న్యూ లైఫ్ లోడింగ్' అంటూ చాహల్ పోస్ట్ చేయడం.. ఇన్‌స్టాగ్రామ్‌లో 'చాహల్'అనే తన సర్‌నేమ్‌ను ధనశ్రీ తొలగించడంతో వీరిద్దరి వార్తలకు బలం చేకూరింది. ఈ విషయమై యుజ్వేంద్ర చాహల్ వివరణ ఇచ్చాక ధనశ్రీ వర్మ సైతం సుదీర్ఘ పోస్టు చేసి అంతా సవ్యంగానే ఉందని పేర్కొంది. ఈ విషయమై తన ఇన్‌స్టాలో పోస్టు చేస్తూ.. 'ఓ రీల్‌ కోసం డాన్స్‌ చేస్తుండగా మోకాలికి గాయమై బెడ్‌కే పరిమితమయ్యా. కేవలం సోఫా, బెడ్ వరకు మాత్రమే నడవగలిగే పరిస్థితి. నేను కోలుకోవడానికి నా భర్త (చాహల్), కుటుంబం, బంధుమిత్రులు అందించిన సేవకు ధన్యవాదాలు. నాకు ఇప్పుడు రెస్ట్ అవసరమైన సమయం. ఈ టైంలో నన్ను టార్గెట్ చేస్తూ పిచ్చి పిచ్చి న్యూస్‌తో కొంతమంది నన్ను విపరీతంగా ఇబ్బంది పెట్టారు. నాపై ఎందుకింత విద్వేషం. ఈ పోస్టులు, ఈ వార్తలు, ట్విట్టర్లో విపరీతమైన ట్రెండింగ్ వల్ల నా మనసు ఎంతో చివుక్కుమంది. ఇలాంటి నిరాధార వార్తలు, ఇలాంటి గాయాలు నన్నేం చేయలేవు. నా కాన్ఫిడెన్స్‌‌ను దెబ్బతీయలేవంటూ' ధనశ్రీ పోస్టులో పేర్కొంది.