కన్నడ నటి తనిష్కా కపూర్ను
ఐపీఎల్లో రాయల్ చాలెంజర్స్ బెంగళూరుకు ప్రాతినిధ్యం వహిస్తున్న చాహల్ త్వరలోనే కన్నడ నటి తనిష్కా కపూర్ను వివాహం చేసుకోనున్నట్లు సమాచారం. . చాహల్, నటి తనిష్కలు పలు కార్యక్రమాలకు కలిసి హాజరుకావడం ఈ వదంతులకు ఆజ్యం పోసినట్లయింది.
చాహల్ కామెంట్లు చేస్తూ
తనిష్క సోషల్ మీడియా పోస్టులకు చాహల్ కచ్చితంగా స్పందించడం, కామెంట్లు చేస్తూ ఉండటంతో ఈ బంధాన్ని కొనసాగించేందుకు ఆసక్తి కనబరిచేటట్లుగా తెలుస్తోంది. ఇరు కుటుంబాల నుంచి వీరి వివాహంపై ఎటువంటి అధికారిక ప్రకటన రాలేదు. అయితే క్రికెటర్లు, హీరోయిన్ల రిలేషన్షిప్ ఎప్పటినుంచో కొనసాగుతోంది. కొందరు ప్రేమల వరకూ ఆగిపోతే, మరికొందరు వివాహం చేసుకుని ఒకింటివారయ్యారు.
విరాట్ కోహ్లీ-అనుష్క వరకు
ఈ నేపథ్యంలో టీమిండియా మాజీ కెప్టెన్ టైగర్ మన్సూర్ అలీఖాన్ పటౌడీ, షర్మిలా ఠాకూర్ నుంచి ఇటీవల విరాట్ కోహ్లీ-అనుష్క వరకు చాలా జంటలు ఇలానే ఒక్కటయ్యాయి. హర్భజన్- గీతాబస్రా, యువరాజ్ సింగ్-హజెల్ కీచ్, జహీర్ ఖాన్-సాగరికా ఘట్గేలు ఈ తరహాలోనే విహహం చేసుకున్న విషయం తెలిసిందే. అప్పట్లో ధోనీ, దీపికా పదుకొణేల మధ్య లవ్ ఎఫైర్లు ఉన్నాయంటూ రూమర్లు వచ్చాయి.
ఐపీఎల్ అవగానే పెళ్లిపీటలు ఎక్కనున్నారట:
చాలాకాలంగా వీరు డేటింగ్లో ఉండి త్వరలో పెళ్లి చేసుకోబోతున్నట్లు సమాచారం. అన్నీ కుదిరితే ఐపీఎల్ అవగానే చాహల్ పెళ్లిపీటలు ఎక్కనున్నట్లే. అయితే ఇన్ని రూమర్లు వస్తున్నా వారిద్దరూ స్పందించకపోవడం గమనార్హం.