వెస్టిండీస్ పర్యటనకు యువీ దూరం, అనారోగ్యమే కారణం

న్యూఢిల్లీ: వెస్టిండీస్ పర్యటన నుంచి సీనియర్ క్రికెటర్లు ఒక్కరొక్కరే తప్పుకుంటున్నారు. గాయం కారణంగా గౌతం గంభీర్ దూరం అవుతుండగా, తాజాగా యువరాజ్ సింగ్ కూడా తప్పుకుంటున్నాడు. వెస్టిండీస్‌తో జరిగే వన్డే సిరీస్‌కు అతను దూరమవుతున్నాడు. అనారోగ్యం కారణంగా అతను తప్పుకుంటున్నట్లు సమాచారం. ఊపిరితిత్తుల ఇన్‌ఫెక్షన్‌తో అతను బాధపడుతున్నట్లు తెలుస్తోంది.

భారత సీనియర్ క్రికెటర్లు సచిన్ టెండూల్కర్, మహేంద్ర సింగ్ ధోనీ వంటి వారు ఇప్పటికే విశ్రాంతి కోరారు. ఈ స్థితిలో గౌతం గంభీర్‌ను కెప్టెన్‌గా ప్రకటించారు. అయితే, భుజం గాయం కారణంగా అతను వెస్టిండీస్ పర్యటనకు దూరమవుతున్నాడు. గాయం కారణంగానే వీరేంద్ర సెహ్వాగ్ కూడా తప్పుకున్నాడు.