నెదర్లాండ్‌పై భారత్ విజయం: క్వార్టర్‌కు సులభం చేసిన యూవీ

న్యూఢిల్లీ: యువరాజ్ సింగ్ తన ఫామ్‌ను కొనసాగిస్తూ మరో అద్బుత ఇన్నింగ్స్‌ ఆడి పసికూన నెదర్లాండ్‌తో జరిగిన వన్డే పోరులో భారీ విజయాన్ని భారత్‌కు అందించాడు. ఈ విజయంతో భారత్‌ క్వార్టర్స్ ఫైనల్ ఖాయమైనట్లే. భారత్ ఆడిన నాలుగు మ్యాచ్‌లలో ఒక్కటీ ఓడిపోలేదు. మూడు విజయాలు కాగా, ఒకటి డ్రా అయింది. దీంతో భారత్ 7 పాయింట్లతో గ్రూప్ బిలో మొదటి స్థానంలో ఉంది.మరో రెండు జట్లతో ఆడాల్సి ఉంది. ఇప్పటికే క్వార్టర్ ఫైనల్‌ చోటు ఖాయం చేసుకున్న భారత్ జట్టు ఊపు మీదే ఉంది.యువరాజ్ సింగ్ ఇటు బౌలింగ్‌లో, అటు బ్యాటింగ్‌లో అదరగొట్టాడు. బౌలింగ్‌లో రెండు వికెట్లు పడగొట్టి, బ్యాటింగ్‌లో 51 పరుగులతో భారత్‌ను విజయ తీరాలకు చేర్చి మ్యాన్ ఆఫ్ ది మ్యాచ్ అందుకున్నాడు.

లక్ష్యఛేదనలో భారత బ్యాట్స్‌మెన్ కొద్దిగా తడబాటుకు లోనయ్యారు. అయితే యువీ ఫామ్‌ను కొనసాగిస్తూ మరోసారి ఆల్‌రౌండ్ షోతో విజృంభించడంతో భారత్ అతిసులువుగా గెలిచింది. యువరాజ్ సింగ్ మరోసారి ఆల్‌రౌండ్ ప్రదర్శనతో చెలరేగడంతో భారత్ పసికూన నెదర్లాండ్స్‌పై ఐదు వికెట్లతో గెలుపొందింది. బుధవారం ఇక్కడి ఫిరో జ్ షా కోట్లా మైదానం లో జరిగిన 190 పరుగుల స్వల్ప లక్ష్యం తో బరిలోకి దిగిన ధోనీసేన 36.3 ఓ వర్లలో ఐదు వికె ట్లు కోల్పోయి విజయతీరాలకు చేరింది. తాజా విజయంతో భారత్ గ్రూప్‌లో అగ్రస్థానంలో కొనసాగుతుండగా, నెదర్లాండ్స్‌కి ది వరసగా నాలుగో పరాజయం.

సెహ్వాగ్ 39, సచిన్ 27) శుభారంభాన్నందించారు. అయితే భారత్ ఓ దశలో వెంటవెంటనే వికెట్లు చేజార్చుకోవడంతో పసికూన చేతిలో చెమటోడ్చాల్సి వచ్చిం ది. యువీ హాఫ్ సెంచరీతో రాణించి విజయంలో కీలకపాత్ర పోషించా డు.అంతకుముందు టాస్ గెలిచి బ్యాటింగ్‌కు దిగిన నెదర్లాండ్స్ 46.4 ఓవర్లలో 189 పరుగులకు ఆలౌటైంది. బోరెన్ అత్యధికంగా 38 పరుగు లు చేశాడు. జహీర్ మూడు, యువరాజ్, చావ్లా రెండేసి వికెట్లు పడగొట్టారు. యువరాజ్ సింగ్ ఫామ్‌ను కొనసాగిస్తూ మరోసారి కీలక ఇన్నింగ్స్‌తో జట్టును ఆదుకున్నాడు. గంభీర్‌తో కలిసి ఐదో వికెట్‌కు 40, ధోనీతో ఆరో వికెట్‌కు అభేద్యమైన 52 పరుగులు జోడించాడు. 37వ ఓవర్లో యువీ ఫోర్ బాది భారత విజయాన్ని పరిపూర్ణం చేశాడు. ఈ క్రమంలో హాఫ్ సెంచరీ పూర్తిచేసుకున్నాడు.