అచ్చం బుమ్రాలాగే: మొన్న బుడ్డోడు.. నిన్న బామ్మ... నేడు బంగ్లా యువ బౌలర్

బుడ్డోడు అచ్చం బుమ్రాలాగే

ఆస్ట్రేలియాకు చెందిన ఆ బుడ్డోడు అచ్చం బుమ్రాలా బౌలింగ్ వేసేందుకు ప్రయత్నిస్తోన్న వీడియోను క్వీన్స్‌లాండ్‌కు చెందిన మైకెల్ కర్టిన్ అనే వ్యక్తి తన ట్విట్టర్‌లో ట్వీట్ చేశాడు. "బుమ్రా.. మీరు సాధించిన సిరీస్ విజయం వల్ల వచ్చిన ఏకైక సమస్య ఏంటంటే.. రేపటి తరం ఆసీస్ క్రికెటర్లను నువ్వు ఇన్‌స్ఫైర్ చేశావు" అంటూ ఆ ఫోటోకు కామెంట్ పెట్టాడు. దానికి ప్రతిగా బుమ్రా సైతం "పిల్లాడు చాలా క్యూట్‌గా ఉన్నాడు, నా అభినందనలు తెలపు" అంటూ బుమ్రా ట్వీట్ చేశాడు.

బుమ్రా అద్భుత ప్రదర్శన

ఇదిలా ఉంటే, ఇంగ్లాండ్ వేదికగా ముగిసిన వన్డే వరల్డ్‌కప్‌లో సైతం బుమ్రా అద్భుత ప్రదర్శన చేశాడు. బుమ్రా బౌలింగ్ చూసి ఓ బామ్మ గారైతే అచ్చం బుమ్రా లానే బౌలింగ్ యాక్షన్ చేసి చూపించింది. ఆ బామ్మ బౌలింగ్‌ చేసిన విధానాన్ని ఆమె కూతురు వీడియో తీసి ట్విటర్‌లో షేర్‌ చేయడంతో అది వైరల్‌గా మారి బుమ్రాకు చేరింది. ఈ వీడియో చూసిన బుమ్రా రీట్వీట్‌ చేస్తూ 'దిస్‌ మేడ్‌ మై డే' అని పేర్కొన్నాడు.

బుమ్రాను అనుకరిస్తోన్న బంగ్లా యువ బౌలర్

ఇప్పుడు తాజాగా బంగ్లాదేశ్‌కు చెందిన ఓ యువ బౌలర్ బుమ్రాను అనుకరిస్తున్నాడు. అచ్చం బుమ్రా ఎలాగైతే బంతిని పట్టుకుంటాడో అదేవిధంగా పట్టుకోవడమే కాదు... అతడి రనప్ సైతం బుమ్రాని తలపించింది. ఇందుకు సంబంధించిన వీడియో సోషల్ మీడియా వెబ్‌సైట్ ఫేస్ బుక్‌లో వైరల్ అయింది.