ఘన వీడ్కోలుకు అర్హుడివి: రోహిత్ శర్మ ట్వీట్‌కు యువీ రిప్లై

రోహిత్ శర్మ ట్వీట్‌కు యువరాజ్ సైతం

రోహిత్ శర్మ ట్వీట్‌కు యువరాజ్ సైతం స్పందించాడు. యువరాజ్ తన ట్విట్టర్‌లో "నేను నా మనసులో ఏమనుకుంటున్నానో అది నీకు తెలుసు. లవ్ యు... నువ్వు లెజెండ్ లాగా ఎదుగు" అని సమధానమిచ్చాడు. కాగా, సమయమొచ్చినప్పుడు ఇంకా అనేక విషయాలు వెల్లడిస్తానని చెప్పాడు.

ఎలాంటి వివాదాలకు చోటివ్వకుండా

ప్రస్తుతం ప్రపంచకప్‌ జరుగుతున్నందున ఎలాంటి వివాదాలకు చోటివ్వదలచుకోలేదని, కచ్చితంగా సమయం వచ్చినప్పుడు మాట్లాడతానని యువరాజ్ సింగ్ చెప్పాడు. భారత్ తరుఫున 2000లో కెన్యాపై అరంగేట్రం చేసిన యువరాజ్ సింగ్ క్రికెటర్‌ 2017లో వెస్టిండీస్‌పై ఆఖరి వన్డే ఆడాడు.

తొలి వన్డే: 2000 కెన్యాపై..

ఆఖరి వన్డే: 2017 వెస్టిండీస్‌పై

తొలి టెస్టు: 2003 న్యూజిలాండ్‌పై

ఆఖరి టెస్టు: 2012 ఇంగ్లాండ్‌పై

తొలి టీ20: 2007 స్కాట్లాండ్‌పై

ఆఖరి టీ20: 2017 ఇంగ్లాండ్‌పై

అవార్డులు..

2012: అర్జున అవార్డు

2014: పద్మశ్రీ

ఆరు బంతుల్లో ఆరు సిక్సులు

2007 టీ20 వరల్డ్‌కప్‌లో యువరాజ్ సింగ్ అద్భుతం చేశాడు. ఇంగ్లాండ్‌ పేసర్‌ స్టువర్ట్‌ బ్రాడ్‌ వేసిన ఓవర్లో 6 బంతుల్లో 6 సిక్స్‌లు బాది ప్రపంచ రికార్డు నెలకొల్పాడు.

12 బంతుల్లో 50

2007 టీ20 వరల్డ్‌కప్‌లో ఇంగ్లాండ్‌పై ఆరు బంతుల్లో ఆరు సిక్స్‌లు కొట్టిన మ్యాచ్‌లోనే యువీ 12 బంతుల్లోనే హాఫ్ సెంచరీ చేశాడు. టీ20ల్లో అత్యంత వేగంగా హాఫ్ సెంచరీ చేసిన ఆటగాడిగా యువరాజ్ చరిత్ర సృష్టించాడు.