41 ఏళ్ల నాటి రికార్డు బ్రేక్: చరిత్ర సృష్టించిన స్టార్ క్రికెటర్!

టీమిండియా మహిళా క్రికెటర్ యస్తికా భాటియా చరిత్ర సృష్టించింది. క్రికెట్ మక్కాగా పిలువబడే లార్డ్స్ క్రికెట్ స్టేడియంలో టీమిండియా స్టార్ క్రికెటర్ యస్తికా భాటియా క్రికెట్ చరిత్రలో ఏ మహిళా క్రీడాకారిణి సాధించని ఘనతను సాధించింది. ఇంగ్లాండ్ జట్టుతో జరిగిన ఏకైక టెస్ట్ మ్యాచ్‌లో అద్భుతమైన సెంచరీ సాధించి యస్తికా చరిత్ర సృష్టించింది. లార్డ్స్ స్టేడియంలో సెంచరీ చేసిన మహిళల టెస్ట్ క్రికెట్ చరిత్రలో ఆమె తొలి బ్యాటర్‌గా నిలిచింది. ఆమె ఇంగ్లాండ్ జట్టుపై 158 బంతుల్లో 113 పరుగులు చేసి.. 41 ఏళ్ల నాటి రికార్డును బద్ధలు కొట్టింది.

చరిత్ర సృష్టించిన యస్తికా
25 ఏళ్ల యస్తికా భాటియా ఇంగ్లాండ్‌తో జరిగిన ఏకైక టెస్ట్ రెండో ఇన్నింగ్స్‌లో అద్భుతమైన సెంచరీ సాధించి రికార్డుల పుస్తకాల్లో తన పేరును లిఖించుకుంది. మూడో రోజు 145 బంతుల్లో యస్తికా భాటియా తన సెంచరీని పూర్తి చేసింది. ఈ సెంచరీతో లార్డ్స్‌లో సెంచరీ సాధించిన మహిళల టెస్ట్ క్రికెట్ చరిత్రలో ఆమె తొలి బ్యాటర్‌గా నిలిచింది. ఇది ఆమెకు టెస్టుల్లోనూ, అంతర్జాతీయ క్రికెట్లోనూ తొలి సెంచరీ. యస్తికా 158 బంతుల్లో 14 ఫోర్లతో 113 పరుగులు చేశాడు. టెస్ట్ క్రికెట్లో ఇదే యస్తికా భాటియా అత్యధిక వ్యక్తిగత స్కోరుగా కూడా నిలిచింది.

41 ఏళ్ల రికార్డు బ్రేక్
113 పరుగుల చారిత్రాత్మక ఇన్నింగ్స్‌తో భారత మహిళల టెస్ట్ క్రికెట్లో మూడో లేదా నాలుగో ఇన్నింగ్స్‌లో అత్యధిక వ్యక్తిగత స్కోరు చేసిన రికార్డును కూడా యస్తికా నెలకొల్పింది. 1985లో లక్నోలో న్యూజిలాండ్‌పై 98 పరుగులు చేసిన భారత మాజీ బ్యాటర్ సంధ్యా అగర్వాల్ పేరిట ఉన్న 41 ఏళ్ల నాటి రికార్డును యస్తికా భాటియా బ్రేక్ చేసింది.

లార్డ్స్‌లో సెంచరీ సాధించిన 11వ భారత క్రికెటర్
దీంతో లార్డ్స్‌లో టెస్ట్ సెంచరీ సాధించిన తొలి భారత మహిళా క్రికెటర్ గా యస్తికా భాటియా నిలిచింది. పురుషుల, మహిళల క్రికెట్ ను కలుపుకొని లార్డ్స్‌లో టెస్ట్ సెంచరీ సాధించిన 11వ భారత క్రికెటర్‌గా యస్తికా భాటియా నిలిచింది. లార్డ్స్‌లో భారత్ తరఫున తొలి టెస్ట్ సెంచరీని 1952లో వినూ మంకడ్ 184 పరుగులతో చిరస్మరణీయంగా నమోదు చేశారు. ఈ స్టేడియంలో భారత్ తరఫున అత్యధిక టెస్ట్ సెంటరీలు(3) చేసిన రికార్డు దిలీప్ వెంగ్‌సర్కార్ పేరిట ఉంది. ఇప్పుడు ఈ జాబితాలో యస్తిక పేరు కూడా చేరింది.

లార్డ్స్‌లో సెంచరీ సాధించిన 11వ భారత క్రికెటర్
దీంతో, లార్డ్స్‌లో టెస్ట్ సెంచరీ సాధించిన తొలి భారత మహిళా క్రికెటర్‌గా యస్తిక భాటియా నిలిచింది. పురుషుల, మహిళల క్రికెట్‌ను కలుపుకొని, లార్డ్స్‌లో టెస్ట్ సెంచరీ సాధించిన 11వ భారత క్రికెటర్ కూడా ఈమె. లార్డ్స్‌లో భారత్ తరఫున తొలి టెస్ట్ సెంచరీని 1952లో వినూ మంకడ్ 184 పరుగులతో చిరస్మరణీయంగా నమోదు చేశారు. ఈ మైదానంలో భారత్ తరఫున అత్యధిక టెస్ట్ సెంచరీలు (మూడు) చేసిన రికార్డు దిలీప్ వెంకసర్కార్ పేరిట ఉంది. ఇప్పుడు ఈ జాబితాలో యస్తిక పేరు కూడా చేరింది.

లార్డ్స్‌లో టెస్ట్ సెంచరీలు సాధించిన భారత క్రికెటర్లు
1. వినూ మంకడ్-184(1952)
2. దిలీప్ వెంగ్‌సర్కార్-103(1979)
3.గుండప్ప విశ్వనాథ్-113(1979)
4. దిలీప్ వెంగ్‌సర్కార్-157(1982)
5. దిలీప్ వెంగ్‌సర్కార్-126*(1986)
6.రవి శాస్త్రి-100(1990)
7.మహమ్మద్ అజారుద్దీన్-121(1990)
8.సౌరవ్ గంగూలీ-131(1996)
9.అజిత్ అగార్కర్-109(2002)
10.రాహుల్ ద్రవిడ్-103(2011)
11.అజింక్య రహానే-103(2014)
12.కేఎల్ రాహుల్-129(2021)
13.కేఎల్ రాహుల్-100(2025)
14.యస్తిక భాటియా-113(2026)