|
పాకిస్థాన్ వైఫల్యం
కాగా, అడిలైడ్ వేదికగా శుక్రవారం ప్రారంభమైన రెండో టెస్టులో తొలిరోజు ఫీల్డింగ్లో పాకిస్థాన్ వైఫల్యం చెందింది. ఇందుకు సంబంధించిన వీడియోలు సోషల్ మీడియాలో వైరల్ అయ్యాయి. యాసిర్ షా, మసూద్లతో పాటు షాహిన్ అఫ్రిది ఫీల్డింగ్లో నిరాశపరిచాడు. బౌండరీ వెళ్లకుండా ఆపాల్సిన బంతిని కాలితో తన్ని మరీ బౌండరీకి పంపించాడు.
|
ఫీల్డింగ్ తప్పిదాలతో పాక్ భారీ మూల్యం
ఫీల్డింగ్ తప్పిదాలతో పాక్ భారీ మూల్యం చెల్లించుకుంది. తొలిరోజు ఓవర్త్రో పరుగులతో డేవిడ్ వార్నర్కు హాఫ్ సెంచరీ సాధించాడు.
|
బంతిని కాలుతో నెట్టి మరీ ఫోర్
ఆ తర్వాత డేవిడ్ వార్నర్ 76 పరుగుల వద్ద ఉన్నప్పుడు డీప్ కవర్ మీదుగా షాట్ ఆడాడు. పాక్ ఫీల్డర్ అక్కడికి వెళ్లకుండా అక్కడే నిలబడి చూస్తున్నాడు. దీంతో డేవిడ్ వార్నర్కు బౌండరీ లభించింది. ఆ తర్వాత అఫ్రీది బౌండరీని ఆపే క్రమంలో బంతిని కాలుతో నెట్టాడు. దీంతో అది కాస్త ఫోర్గా మారింది.
|
డేవిడ్ వార్నర్ ట్రిపుల్ సెంచరీ
302/1 ఓవర్ నైట్ స్కోరుతో రెండో రోజు ఇన్నింగ్స్ ఆరంభించిన ఆస్ట్రేలియా డేవిడ్ వార్నర్ 389 బంతుల్లో 37 బౌండరీల సాయంతో ట్రిపుల్ సెంచరీ సాధించాడు. టెస్టుల్లో వార్నర్కి ఇదే తొలి ట్రిపుల్ సెంచరీ. ఆసీస్ తరుపున ట్రిపుల్ సెంచరీ సాధించిన ఏడో బ్యాట్స్మన్గా వార్నర్ నిలిచాడు. అడిలైడ్ ఓవల్ పిచ్పై ఓ ప్లేయర్ ట్రిపుల్ సెంచరీ చేయడం ఇదే మొదటిసారి. 2012 తర్వాత ఆస్ట్రేలియా తరుపున ట్రిపుల్ సెంచరీ సాధించిన ఆటగాడిగా డేవిడ్ వార్నర్ నిలిచాడు.