WTC Final 2025: స్టీవ్ స్మిత్ ఖాతాలో చెత్త రికార్డు.. తొలి ఆసీస్ క్రికెటర్‌గా..!

WTC Final 2025: ఈ సారి ఐసీసీ ప్రపంచ టెస్ట్ ఛాంపియన్‌షిప్ ఫైనల్ ఆస్ట్రేలియా, దక్షిణాఫ్రికా జట్ల మధ్య జరిగింది. లార్డ్స్‌లో జరిగిన ఈ కీలక మ్యాచ్‌లో విజయం సాధించడం ద్వారా దక్షిణాఫ్రికా తొలిసారి డబ్ల్యూటీసీ టైటిల్‌ను గెలుచుకుంది. ఈ విజయంతో దక్షిణాఫ్రికా తన రెండో ఐసీసీ ట్రోఫీని గెలుచుకోవడానికి 27 ఏళ్ల నిరీక్షణ ముగిసింది. ఫైనల్‌లో ఆస్ట్రేలియా ఓటమితో స్టీవ్ స్మిత్ తన పేరు మీద ఓ చెత్త రికార్డును నమోదు చేసుకున్నాడు. ఇప్పటివరకు ఈ చెత్త రికార్డు ఏ ఆస్ట్రేలియా క్రికెటర్ పేరు మీద నమోదు కాలేదు.

స్మిత్ కెరీర్‌పై మాయని మచ్చ
మొదటిసారిగా దక్షిణాఫ్రికా జట్టు డబ్ల్యూటీసీ ఫైనల్ ఆడింది. మొదటి ప్రయత్నంలోనే టైటిల్‌ను కైవసం చేసుకుంది. ఫైనల్‌లో దక్షిణాఫ్రికా ఆస్ట్రేలియాను 5 వికెట్ల తేడాతో ఓడించింది. ఈ మ్యాచ్‌లో ఓటమితో స్టీవ్ స్మిత్ తన పేరు మీద చెత్త రికార్డును నమోదు చేసుకున్నాడు. స్టీవ్ స్మిత్ ఇప్పుడు ఆస్ట్రేలియా తరఫున 2 ఐసీసీ ఫైనల్స్‌లో ఓడిపోయిన మొదటి ఆటగాడిగా నిలిచాడు. అంతకు ముందు 2010 టీ20 ప్రపంచ కప్‌లో ఇంగ్లాండ్ ఆస్ట్రేలియాను ఓడించినప్పుడు స్టీవ్ స్మిత్ కూడా జట్టులో ఉన్నాడు.

ఈ ఫైనల్ మూడో రోజున స్టీవ్ స్మిత్ గాయపడ్డాడు.మూడో రోజు మిచెల్ స్టార్క్ వేసిన ఓవర్‌లో స్టీవ్ స్మిత్ వేలికి గాయమైంది. దీంత్ స్మిత్ మ్యాచ్‌ను వదిలి ఆస్పత్రికి వెళ్లాల్సి వచ్చింది. గాయం కారణంగా స్టీవ్ స్మిత్ నాలుగో రోజు కూడా ఫీల్డింగ్‌కు రాలేదు.

15 ఏళ్ల తర్వాత ఫైనల్‌లో ఓడిపోయిన ఆస్ట్రేలియా
ఐసీసీ టోర్నమెంట్ల ఫైనల్స్‌లో ఆస్ట్రేలియా రికార్డు అద్భుతంగా ఉంది. ఆస్ట్రేలియా తన పేరు మీద అత్యధిక ఐసీసీ ట్రోఫీలను కలిగి ఉంది. ఇప్పుడు 15 ఏళ్ల తర్వాత ఆస్ట్రేలియా ఐసీసీ ఫైనల్‌లో ఓటమిని ఎదుర్కోవాల్సి వచ్చింది.