ఇద్దరికీ మాత్రమే డే/నైట్ క్రికెట్ అనుభవం: సహచర క్రికెటర్లకు మార్గనిర్దేశం చేస్తారా?

సహచర క్రికెటర్లకు మార్గనిర్దేశం చేస్తారా?

ఈ నేపథ్యంలో జట్టులోని సహచర క్రికెటర్లకు మార్గనిర్దేశం చేస్తారా? అన్న ప్రశ్నకు సాహా "నిజం చెప్పాలంటే, నాకు నిజంగా అవేమీ గుర్తులేవు. షమీ నిజంగా వేగంగా బౌలింగ్ చేశాడు మేము (మోహన్ బాగన్) గెలిచాము. నాకు గుర్తున్న ఒకే ఒక్క విషయం ఏంటంటే కొన్నిసార్లు బంతిని తీయడం కష్టమవుతుంది" అని చెప్పాడు.

ఏడు వికెట్లు తీసిన షమీ

మోహున్ బాగన్-భువానిపూర్ క్లబ్ జట్ల మధ్య జరిగిన మ్యాచ్‌లో మహ్మద్ షమీ మొత్తం ఏడు వికెట్లు పడగొట్టాడు. తొలి ఇన్నింగ్స్‌లో ఐదు వికెట్లు తీసిన షమీ రెండో ఇన్నింగ్స్‌లో రెండు వికెట్లు పడగొట్టాడు. ప్రస్తుతం టీమిండియా ప్రపంచంలోనే అత్యుత్తమ పేస్ బౌలింగ్ ఎటాక్‌ను కలిగి ఉంది.

భారత్‌, బంగ్లాదేశ్‌ తప్ప

భారత్‌, బంగ్లాదేశ్‌ తప్ప టెస్టు హోదా ఉన్న అన్ని దేశాలూ డే/నైట్‌ టెస్టులు ఆడాయి. 2015లో ఆస్ట్రేలియా-న్యూజిలాండ్‌ మధ్య ఫ్లడ్‌లైట్ల వెలుతురులో గులాబి బంతులతో తొలి డే/నైట్‌ టెస్టు జరిగింది. ఆ తర్వాత భారత్‌‌లో గతేడాది ప్రయోగాత్మకంగా దులీప్‌ ట్రోఫీ ఫైనల్‌ను డే/నైట్‌లో నిర్వహించారు.

పింక్ బాల్స్ అంత నాణ్యంగా లేవనే

అయితే, పింక్ బాల్స్ అంత నాణ్యంగా లేవనే కారణంతో బీసీసీఐ డే/నైట్‌ టెస్టు ప్రతిపాదనలను తిరస్కరిస్తూ వస్తుంది. గత ఏడాది చివర్లో ఆస్ట్రేలియాతో టెస్టు సిరీస్‌లో భాగంగా ఓ మ్యాచ్‌ను డే/నైట్‌లో ఆడాలని క్రికెట్‌ ఆస్ట్రేలియా కోరినా బీసీసీఐ అందుకు అంగీకరించలేదు. అయితే గంగూలీ బీసీసీఐ అధ్యక్షుడయ్యాక మళ్లీ డే/నైట్‌ టెస్టు ప్రతిపాదన తెరపైకి వచ్చింది.

సాహా మాట్లాడుతూ

దీనిపై సాహా మాట్లాడుతూ "మేము ఆడవచ్చు. ఆస్ట్రేలియా, న్యూజిలాండ్ గతంలో ఆడాయి. ఇతర దేశాలు ఉన్నాయి, కాబట్టి.. ఇది జనాన్ని ఆకర్షించడానికి జరిగింది, ఆటకు కూడా మంచిది" అని అన్నాడు. డే/నైట్ టెస్టులో కోహ్లీసేన ఫ్లడ్ లైట్ల కింద ఆడటం ఇదే మొదటిసారి. దీనిపై సాహా తన అనుభవాన్ని జట్టుతో పంచుకోవడానికి సిద్ధంగా ఉన్నానని అన్నాడు.

డే/నైట్ టెస్టు కొత్త సవాలే

"ఇది ఒక కొత్త సవాల్‌గా నిలుస్తుంది. ఇప్పటివరకు మేము పింక్ బంతితో టెస్టులు ఆడలేదు. నేను దేశవాళీ పింక్ బాల్ మల్టీ-డే గేమ్‌లో మాత్రం ఆడాను. ప్రతి క్రీడలో ఛాలెంజ్ అనేది ఉంటుంది. ఒక జట్టుగా మీరు ఎంత ఎక్కువ సవాలు చేయబడతాతో మీరు మరింత మెరుగవుతారు. మేము అలా చేస్తామని నేను ఖచ్చితంగా అనుకుంటున్నా" అని సాహా అన్నాడు.