డబుల్ హెడర్ మజా: క్రికెట్ ఫ్యాన్స్‌కు పూనకాలే!

WPL 2026: ఉమెన్స్ ప్రీమియర్ లీగ్(డబ్ల్యూపీఎల్) 2026 సీజన్ ఎంతో ఉత్సాహంగా ప్రారంభమైంది. ముంబై ఇండియన్స్ జట్టుపై రాయల్ ఛాలెంజర్స్ బెంగళూరు విజయం సాధించిన తర్వాత ఇప్పుడు అందరి దృష్టి సీజన్ లోని మొదటి డబుల్ హెడర్(ఒకే రోజు రెండు మ్యాచ్‌లు)పై ఉంది. జనవరి 10న జరగనున్న ఈ పోరులో ఏ జట్లు తలపడనున్నాయో, లైవ్ స్ట్రీమింగ్ వివరాల గురించి తెలుసుకుందాం.

నేడు డబుల్ హెడర్ మ్యాచ్‌లు నవీ ముంబైలోని డీవై పాటిల్ క్రికెట్ స్టేడియం వేదికగా జరగనున్నాయి. నేటి మొదటి మ్యాచ్ గుజరాత్ జెయింట్స్, యూపీ వారియర్స్ జట్ల మధ్య మధ్యాహ్నం 3.30 గంటలకు ప్రారంభమవుతుంది. రెండో మ్యాచ్ ఢిల్లీ క్యాపిటల్స్, ముంబై ఇండియన్స్ జట్ల మధ్య సాయంత్రం 7:30 గంటలకు ప్రారంభమవుతుంది.

మ్యాచ్ ఎక్కడ చూడవచ్చు?
క్రికెట్ అభిమానులు డబ్ల్యూపీఎల్ 2026 మ్యాచ్‌లను ఈ క్రింది ప్లాట్‌ఫారమ్‌లలో వీక్షించవచ్చు. టీవీలో స్టార్ స్పోర్ట్స్ నెట్‌వర్క్‌లో వివిధ భాషల కామెంటరీతో ప్రత్యక్ష ప్రసారం చేయబడుతుంది.మొబైల్/ఓటీటీలో జియోస్టార్ యాప్‌లో లైవ్ స్ట్రీమింగ్ అందుబాటులో ఉంటుంది.

టాస్, పిచ్ కండిషన్స్
మధ్యాహ్నం మ్యాచ్: డీవై పాటిల్ స్టేడియంలో మధ్యాహ్నం జరిగే మ్యాచ్‌లో టాస్ గెలిచిన జట్టు మొదట బ్యాటింగ్ చేయడానికి మొగ్గు చూపవచ్చు. భారీ స్కోరు సాధించి ప్రత్యర్థిపై ఒత్తిడి పెంచడం ఇక్కడ కీలకం కానుంది.

సాయంత్రం మ్యాచ్: సాయంత్రం 7:30 గంటలకు ప్రారంభమయ్యే మ్యాచ్‌లో టాస్ గెలిచిన కెప్టెన్ మొదట బౌలింగ్ ఎంచుకునే అవకాశం ఉంది. మొదటి మ్యాచ్‌లో ముంబై ఇండియన్స్ ఓటమిని చవిచూడగా, నేడు జరగబోయే రెండో మ్యాచ్‌లో ఢిల్లీ క్యాపిటల్స్‌పై ఎలా రాణిస్తుందో చూడాలి.