అగ్రస్థానంలో ఆస్ట్రేలియా
ఇక వరల్డ్ టెస్ట్ ఛాంపియన్షిప్లో ఆస్ట్రేలియా 72పాయింట్లతో అగ్రస్థానంలో కొనసాగుతుంది. ఇక ఆస్ట్రేలియా విజయ శాతం 75శాతంగా ఉంది. ఇక పాట్ కమిన్స్ నేతృత్వంలోని ఆస్ట్రేలియా జట్టు యాషెస్ సిరీస్లో ఇంగ్లాండ్ను 4-0తేడాతో ఓడించింది. ఆ తర్వాత మూడు మ్యాచ్ల టెస్ట్ సిరీస్లో పాకిస్థాన్ మీద కూడా విజయం సాధించి వరల్డ్ టెస్ట్ ఛాంపియన్ షిప్లో తన అగ్రస్థానాన్ని కొనసాగిస్తుంది.
రెండు, మూడు స్థానాల్లో దక్షిణాఫ్రికా, భారత్
ఇక దక్షిణాఫ్రికా, భారతదేశం వరుసగా 71.43, 58.33 విజయ శాతాలతో రెండు, మూడు స్థానాల్లో కొనసాగుతున్నాయి. గతేడాది జరిగిన టెస్టు సిరీస్లో 2-1తేడాతో ఇంగ్లాండ్ మీద భారత్ ఆధిక్యంలో కొనసాగుతుంది. ఇక రీషెడ్యూల్ చేసిన చివరిది, అయిదోది అయిన టెస్టులో భారత్ ఇంగ్లాండ్తో ఈ నెల చివర్లో తలపడనుంది. అప్పట్లో టీమిండియా శిబిరంలో కోవిడ్ కేసులు వెలుగుచూడడంతో అయిదో టెస్ట్ రద్దయిన సంగతి తెలిసిందే.
అట్టడుగు నుంచి రెండు, మూడు స్థానాల్లో ఇంగ్లాండ్, న్యూజిలాండ్
ఇక డబ్ల్యూటీసీ పాయింట్ల పట్టికలో శ్రీలంక (55.5 విజయశాతం), పాకిస్థాన్ (52.3 విజయశాతం) వరుసగా నాలుగు, ఐదో స్థానాల్లో కొనసాగుతున్నాయి. ఇక వెస్టిండీస్ 35.71విజయ శాతంతో ఆరో స్థానంలో ఉంది. WTC హోల్డర్స్ అయిన న్యూజిలాండ్ ఏడో స్థానానికి పడిపోయింది. న్యూజిలాండ్ 29.17విజయ శాతంతో 7వ ప్లేస్కు చేరుకుంది.
ఇక న్యూజిలాండ్తో తొలి రెండు మ్యాచ్ల్లో రెండు విజయాలు సాధించిన ఇంగ్లాండ్ పాయింట్ల పట్టికలో అట్టడుగు నుంచి రెండో (ఎనిమిదో) స్థానంలో కొనసాగుతుంది. ఇంగ్లాండ్ విజయ శాతం 24గా ఉంది. ఇక బంగ్లాదేశ్ WTC పట్టికలో అట్టడుగున కొనసాగుతుంది. ఇప్పటివరకు ఆ దేశం కేవలం ఒక గేమ్ మాత్రమే గెలిచింది. ఆ జట్టు విజయశాతం కేవలం 16.67గా ఉండడం గమనార్హం.