సరికొత్త చరిత్రకు శ్రీకారం: వరల్డ్ టెస్ట్ ఛాంపియన్‌షిప్ గురించి తెలుసుకోండి

టెస్టుల్లో అగ్రస్థానంలో ఉన్న టీమిండియా

ప్రస్తుతం టెస్టుల్లో అగ్రస్థానంలో ఉన్న టీమిండియా, రెండో ర్యాంకలో ఉన్న న్యూజిలాండ్, మూడో ర్యాంకులో ఉన్న దక్షిణాఫ్రికా దక్షిణాఫ్రికాతో పాటు పాకిస్థాన్, ఇంగ్లాండ్, న్యూజిలాండ్, శ్రీలంక, బంగ్లాదేశ్, ఆస్ట్రేలియా జట్లు ఈ టెస్ట్ ఛాంపియన్‌షిప్‌లో పాల్గొంటాయి. ఈ ఐసీస టెస్ట్ ఛాంపియన్‌షిప్‌ను ఆగస్టు 1న ప్రారంభమయ్యే యాషెస్ టెస్టు సిరిస్‌తో ఐసీసీ శ్రీకారం చుట్టింది. 2019 ఆగస్టు 1 నుంచి 2021 ఏప్రిల్ 30 మధ్య కాలంలో ఈ టెస్ట్ ఛాంపియన్‌షిప్ లీగ్ జరగనుంది. బర్మింగ్ హామ్ వేదికగా ఇంగ్లాండ్-ఆస్ట్రేలియా జట్ల మధ్య జరగనున్న తొలి యాషెస్ టెస్టుతో ఈ లీగ్‌కు తెరలేవనుంది.

స్వదేశంలో మూడు, విదేశాల్లో మూడు సిరిస్‌లు

టెస్టు హోదాను కలిగి ఉన్న మొత్తం 9 దేశాలు కూడా స్వదేశంలో మూడు, విదేశాల్లో మూడు సిరిస్‌లు ఆడతాయి. ఈ సిరీస్‌ల్లో అత్యధిక పాయింట్లు సాధించిన మొదటి రెండు జట్లు ఇంగ్లాండ్‌లోని లార్డ్స్ వేదికగా 2021 జూన్‌లో జరిగే ఫైనల్లో తలపడతాయి. ఇరు జట్ల మధ్య జరిగే ద్వైపాక్షిక సిరీస్‌తో సంబంధం లేకుండా 120 పాయింట్లు చొప్పున ఐసీసీ కేటాయించింది. దీంతో ఒక్కో జట్టుకు అత్యధికంగా 720 పాయింట్లు సాధించే అవకాశం ఉంది. ఐసీసీ టెస్టు ఛాంపియన్ షిప్‌లో భాగంగా టీమండియా తన సిరిస్‌ను కరేబియన్ పర్యటనతో ప్రారంభించనుంది.

సోమవారం వెస్టిండిస్ పర్యటనకు టీమిండియా

సోమవారం కోహ్లీ నాయకత్వంలోని టీమిండియా వెస్టిండిస్ పర్యటనకు బయల్దేరనుంది. ఈ పర్యటనలో భాగంగా టీమిండియా 3 వన్డేలు, 3 టీ20లు, 2 టెస్టు మ్యాచ్‌ల సిరిస్ ఆడనుంది. ఈ రెండు టెస్టు మ్యాచ్‌ల సిరిస్‌తో టీమిండియా టెస్టు ఛాంపియన్‌షిప్ ప్రారంభమవుతుంది. ఆ తర్వాత 2019 అక్టోబర్‌లో దక్షిణాఫ్రికా వేదికగా మూడు మ్యాచ్‌ల సిరీస్‌లో టీమిండియాతో తలపడనుంది. 2019 నవంబర్‌లో బంగ్లాదేశ్‌తో జరిగే రెండు మ్యాచ్‌ల టెస్ట్ సిరీస్‌కు భారత్ ఆతిథ్యమివ్వనుంది. 2020 ఫిబ్రవరి-మార్చి నెలలో న్యూజిలాండ్ వేదికగా జరిగే రెండు మ్యాచ్‌ల టెస్ట్ సిరీస్‌లో భారత్ తలపడనుంది.

వరల్డ్ టెస్టు ఛాంపియన్‌షిప్‌లో టీమిండియా మ్యాచ్‌లు

ఆ తర్వాత 2020 నవంబర్ నుంచి 2021 జనవరి మధ్య కాలంలో ఆసీస్ వేదికగా ఆస్ట్రేలియాతో జరిగే నాలుగు మ్యాచ్‌ల టెస్ట్ సిరీస్‌లో కోహ్లీసేన తలపడనుంది. 2021 జనవరి-మార్చి మధ్యకాలంలో ఇంగ్లాండ్‌తో జరిగే ఐదు టెస్టు మ్యాచ్‌ల సిరిస్‌తో టీమిండియా వరల్డ్ టెస్టు ఛాంపియన్‌షిప్ ముగుస్తుంది.

వరల్డ్ టెస్టు ఛాంపియన్‌షిప్‌లో టీమిండియా మ్యాచ్‌లు:

ఆగస్టు-సెప్టెంబర్ 2019

వెస్టిండీస్ (దూరంగా) | 2 టెస్టులు

అక్టోబర్ 2019

దక్షిణాఫ్రికా (హోమ్) | 3 టెస్టులు

నవంబర్ 2019

బంగ్లాదేశ్ (హోమ్) | 2 టెస్టులు

ఫిబ్రవరి 2020

న్యూజిలాండ్ (దూరంగా) | 2 టెస్టులు

నవంబర్ 2020-జనవరి 2021

ఆస్ట్రేలియా (దూరంగా) | 4 టెస్టులు

జనవరి-మార్చి 2021

ఇంగ్లాండ్ (హోమ్) | 5 టెస్టులు