అందుకు కాదు: ప్రాక్టీస్‌కు షాహిద్ అఫ్రిది డుమ్మా

By Srinivas

Updated: Tuesday, November 14, 2017, 10:03 [IST]

కోల్‌కతా: భారత్‌లోనే ఎక్కువ ప్రేమ వ్యాఖ్యలతో విమర్శలు ఎదుర్కొంటున్న పాకిస్తాన్ కెప్టెన్ షాహిద్ అఫ్రిది ప్రాక్టీస్ మ్యాచ్‌కు డుమ్మా కొట్టాడు. అయితే, అతను జ్వరం కారణంగానే ప్రాక్టీస్‌కు గైర్హాజరయ్యాడు. పాకిస్తాన్ - బంగ్లాదేశ్ మ్యాచ్ రేపు (బుధవారం) జరగనుంది.

దీని కోసం ప్రాక్టీస్ చేస్తున్నారు. అయితే ఈ ప్రాక్టీస్ కోసం అఫ్రిది జ్వరం కారణంగా గైర్హాజరయ్యాడు. పాక్ కంటే భారత్‌లోనే తమకు అభిమానం ఎక్కువ అని అఫ్రిది చేసిన వ్యాఖ్యల పైన పాక్‌లో పలువురు మండిపడ్డారు. జావెద్ మియందాద్ నిప్పులు చెరిగాడు. దీనిపై అప్రిది ఈ రోజు వివరణ ఇచ్చాడు.

ప్రాక్టీస్‌కు అఫ్రిది గైర్హాజరుపై కోచ్ వకార్ యూనిస్ మాట్లాడుతూ... విమర్శల నేపథ్యంలో గైర్హాజరీ కాదని అభిప్రాయపడ్డాడు. అతనికి ఉదయం ఆరోగ్యం బాగా లేదని చెప్పాడు. అందుకే విశ్రాంతి తీసుకుంటున్నాడని తెలిపాడు. మేనేజర్ ఇంతిఖాబ్ ఆలమ్ మాట్లాడుతూ.. అతనికి జ్వరంగా ఉందని చెప్పాడు.

నిన్న అతను ఎక్కువగా ప్రాక్టీస్ చేశాడని చెప్పాడు. దీంతో జ్వరంతో బాధపడుతున్నాడని తెలిపాడు. కాబట్టి అతనికి విశ్రాంతి ఇచ్చామని చెప్పాడు. మరోవైపు, మొహమ్మద్ సమీ ట్రెయినింగ్ సెషన్లో పాల్గొన్నాడు. అతను ఇంజ్యూరీ నుంచి రికవరీ అయ్యాడు.

అప్రిది

భారత్‌లోనే ఎక్కువ ప్రేమ వ్యాఖ్యలతో విమర్శలు ఎదుర్కొంటున్న పాకిస్తాన్ కెప్టెన్ షాహిద్ అఫ్రిది ప్రాక్టీస్ మ్యాచ్‌కు డుమ్మా కొట్టాడు. అయితే, అతను జ్వరం కారణంగానే ప్రాక్టీస్‌కు గైర్హాజరయ్యాడు.