ఇంగ్లండును భయపెట్టిన నెదర్లాండ్, అనూహ్య ప్రదర్శన

నాగ్‌పూర్‌: నెదర్లాండ్ జట్టు నాగ్‌పూర్‌లో మంగళవారం జరిగిన మ్యాచులో ఒక రకంగా ఇంగ్లండును భయపెట్టిందనే చెప్పాలి. నెదర్లాండ్ అనూహ్య ప్రదర్శన వల్ల విజయం కోసం ఇంగ్లండు తీవ్రంగా కష్టపడాల్సి వచ్చింది. మంగళవారం గ్రూప్‌ 'బి' మ్యాచ్‌లో ఇంగ్లండుపై ఆరు వికెట్ల తేడాతో నెదర్లాండ్ పోరాడి ఓడింది. డస్కాటె (119, 2 వికెట్లు) ఆల్‌రౌండ్‌ ప్రదర్శనతో స్ట్రాస్‌ బృందాన్ని ఓడించినంత పనిచేసింది. 'మ్యాన్‌ ఆఫ్‌ ద మ్యాచ్‌' డస్కాటె (119; 110 బంతుల్లో 9X4, 3X6) అద్భుత సెంచరీ సాధించడంతో మొదట నెదర్లాండ్స్‌ 6 వికెట్లకు 292 పరుగులు చేసింది.

లక్ష్యఛేదనలో ఇంగ్లాండ్‌కు స్ట్రాస్‌, పీటర్సన్‌ (39; 61 బంతుల్లో 5X4) సెంచరీ భాగస్వామ్యంతో శుభారంభాన్నిచ్చారు. 18వ ఓవర్లో పీటర్సన్‌ ఔటయ్యేటప్పటికి స్కోరు 105. మంచి ఇన్నింగ్స్‌ ఆడిన ట్రాట్‌తో స్ట్రాస్‌ మరో కీలక భాగస్వామ్యాన్ని నెలకొల్పి 166 వద్ద నిష్క్రమించాడు. 43 ఓవర్లు ముగిసే సరికి స్కోరు 241/4. డస్కాటె.. ట్రాట్‌, బెల్‌ (33)లను ఔట్‌ చేసి ఇంగ్లాండ్‌పై ఒత్తిడి పెంచాడు. నెదర్లాండ్స్‌ బౌలర్లు కట్టుదిట్టంగా బౌలింగ్‌ చేయడంతో బౌండరీలు తగ్గాయి. సాధించాల్సిన రన్‌రేట్‌ పెరుగుతూ ఉండడంతో ఉత్కంఠ పెరిగింది. కానీ కాలింగ్‌వుడ్‌ (30 నాటౌట్‌; 23 బంతుల్లో 3X4), బొపారా (30; 20 బంతుల్లో 2X4, 1X6) సంచలనానికి అవకాశం ఇవ్వలేదు. ఒత్తిడిలో చక్కగా ఆడి ఇంగ్లాండ్‌ను గెలిపించారు. చివరి 12 బంతుల్లో 13 పరుగులు చేయాల్సివుండగా49వ ఓవర్‌ తొలి నాలుగు బంతుల్లో బొపారా 6 2 4 4 బాదాడు.

నెదర్లాండ్స్‌ ఇన్నింగ్స్‌: కెర్వెజీ (సి) ప్రయర్‌ (బి) బ్రెస్నన్‌ 16; బారెసి (స్టంప్డ్‌) ప్రయర్‌ (బి) స్వాన్‌ 29; కూపర్‌ (సి) అండర్సన్‌ (బి) కాలింగ్‌వుడ్‌ 47; డస్కాటె (సి) బొపారా (బి) బ్రాడ్‌ 119; జుడిరెంట్‌ (సి) కాలింగ్‌వుడ్‌ (బి) స్వాన్‌ 1; గ్రూత్‌ (బి) బ్రాడ్‌ 28; బోరెన్‌ నాటౌట్‌ 35; బుఖారి నాటౌట్‌ 6; ఎక్స్‌ట్రాలు 11 మొత్తం: (50 ఓవర్లలో 6 వికెట్లకు) 292

బౌలింగ్‌: అండర్సన్‌ 10-0-72-0; బ్రాడ్‌ 10-2-65-2; బ్రెస్నన్‌ 10-0-49-1; స్వాన్‌ 10-0-35-2; కాలింగ్‌వుడ్‌ 8-0-46-1; పీటర్సన్‌ 2-0-19-0

ఇంగ్లాండ్‌ ఇన్నింగ్స్‌: స్ట్రాస్‌ (సి) కూపర్‌ (బి) బుఖారి88; పీటర్సన్‌ (సి) బోరెన్‌ (బి) సీలార్‌ 39; ట్రాట్‌ (స్టంప్డ్‌) బారెసి (బి) డస్కాటె 62; బెల్‌ (బి) డస్కాటె 33; కాలింగ్‌వుడ్‌ నాటౌట్‌ 30; బొపారా నాటౌట్‌ 30; ఎక్స్‌ట్రాలు 14 మొత్తం: (48.4 ఓవర్లలో 4 వికెట్లకు) 296

బౌలింగ్‌: ముదస్సర్‌ బుఖారి 9-0-54-1; వెస్ట్‌జిక్‌ 7-0-41-0; లూట్స్‌ 9.4-0-74-0; సీలార్‌ 10-0-54-1; డస్కాటె 10-0-47-2; కూపర్‌ 3-0-23-0