కంగూరూలకు ఎదురు దెబ్బ, హస్సీ, నాథల్ హారిట్జ్ అవుట్

సిడ్నీ: ప్రపంచకప్‌కు ముందు ఆస్ట్రేలియా గట్టి ఎదురుదెబ్బ తగిలింది. ఆ జట్టు మిడిలార్డర్‌ బ్యాట్స్‌మన్‌ మైకేల్‌ హస్సీ గాయం కారణంగా టోర్నీ నుంచి వైదొలిగాడు. అతనితో పాటు స్పిన్నర్‌ నాథన్‌ హారిట్జ్‌ కూడా జట్టుకు దూరమయ్యాడు. వీరి స్థానంలో కాలమ్‌ ఫెర్గూసన్‌, జాసన్‌ క్రెజా జట్టులోకి వచ్చారు. తొడకండరాల గాయంతో బాధపడుతున్న హసి ప్రపంచకప్‌లో తొలి రెండు మ్యాచ్‌లకు మాత్రమే దూరమవుతాడని, తర్వాత అందుబాటులో ఉంటాడని మొదట భావించారు. ఐతే పరీక్షల అనంతరం గాయం తీవ్రంగా ఉన్నట్లు తేలడంతో అతను టోర్నీ నుంచి వైదొలగక తప్పలేదు. చాలా రోజుల తర్వాత జట్టులోకి వచ్చిన హారిట్జ్‌ ఇంగ్లాండ్‌తో వన్డే సిరీస్‌ సందర్భంగా ఫీల్డింగ్‌ చేస్తూ గాయపడ్డాడు.

మోర్గాన్‌ ఔట్‌: ఇంగ్లాండ్‌కూ ఎదురుదెబ్బ తగిలింది. చేతి వేలిగాయం కారణంగా ఇయాన్‌ మోర్గాన్‌ టోర్నీకి దూరమయ్యాడు. అతడి స్థానంలో రవి బొపారా ప్రపంచకప్‌ జట్టులో ఎంపికయ్యాడు.