World Cup 2023: బంతి పట్టుకోబోయి.. బొక్కబోర్లా పడిపోయిన కెప్టెన్.. వైరల్ వీడియో!

వరల్డ్ కప్‌లో ఆఫ్ఘనిస్తాన్ మరో సంచలన విజయం సాధించింది. శ్రీలంకను ఓడించి ఈ మెగా టోర్నీలో మూడో విజయాన్ని తమ ఖాతాలో వేసుకుంది. పూణే వేదికగా జరిగిన ఈ మ్యాచులో అన్ని విభాగాల్లో ఆధిపత్యం చూపించిన ఆఫ్ఘనిస్తాన్.. చాలా కంఫర్టబుల్ విజయాన్ని చవిచూసింది. ఈ క్రమంలోనే ఈ మ్యాచుకు సంబంధించిన ఒక వీడియో నెట్టింట వైరల్ అవుతోంది.

ఛేజింగ్‌లో ఆఫ్ఘన్ జట్టు చాలా తెలివిగా ఆడింది . అనవసరమైన షాట్లకు పోకుండా జాగ్రత్తగా ఆడిన ఆఫ్ఘన్ జట్టు మరో 28 బంతులు మిగిలి ఉండగానే విజయం సాధించింది. ఈ మ్యాచులో శ్రీలంక వికెట్ కీపర్, కెప్టెన్ కుశాల్ మెండిస్ బొక్క బోర్లా పడిన వీడియో ఇప్పుడు నెట్టింట తెగ వైరల్ అవుతోంది. ఇది చూసిన ప్రతి ఒక్కరు పగలబడి నవ్వుతున్నారు.

బంతిని కలెక్ట్ చేసుకోవడానికి ప్రయత్నించిన అతను.. ఆ ఊపును అదుపు చేసుకోలేకపోయాడు. ఈ క్రమంలోనే వికెట్ల మీదుగా పడిపోయాడు. ఈ వీడియో నెట్టింట తెగ వైరల్ అవుతోంది. ఇక ఈ మ్యాచులో శ్రీలంక కెప్టెన్ కుశాల్ మెండిస్ దారుణంగా ఫెయిలయ్యాడు. ఎన్నో ఆశలు పెంచుకున్న ఫ్యాన్స్‌ను పక్కన పెట్టేసిన అతను ఎక్కువ పరుగులు చేయకుండానే పెవిలియన్ చేరాడు.

ఈ మ్యాచులో శ్రీలంక బ్యాటర్లలో ఒక్కరు కూడా హాఫ్ సెంచరీ పూర్తి చేసుకోలేదు. శ్రీలంక టీంలో అత్యధిక స్కోరు 46 మాత్రమే. ఈ క్రమంలోనే పరిస్థితి గురించి వారికి తెలిసిందే. దీంతో ఆ జట్టు కేవలం 241 పరుగులు మాత్రమే చేయగలిగింది. ఈ ఛేజింగ్‌ను ఆఫ్ఘనిస్తాన్ సరిగా మొదలు పెట్టలేదు. ఫామ్‌లో ఉన్న ఓపెనర్ గుర్బాజ్ (0) డకౌట్ అయ్యాడు.

అయితే మిగతా బ్యాటర్‌లు చక్కగగా రాణించారు. చివర్లో మరోసారి కెప్టెన్ ఇన్నింగ్స్ ఆడిన హష్మతుల్లా షాహిదీ.. జట్టును విజయతీరాలకు చేర్చాడు. ఇది ఈ వరల్డ్ కప్‌లో ఆఫ్ఘనిస్తాన్‌కు మూడో విజయం కావడం గమనార్హం. పాకిస్తాన్ వంటి దేశాలు ఈ టోర్నీలో కేవలం రెండు విజయాలు మాత్రమే సాధించగా.. ఆఫ్ఘన్ మూడో విజయంతో చెలరేగడం గమనార్హం.