World Cup 2023: కేన్ మామ ఆడటం లేదు.. స్టోక్స్ కూడా లేడు.. తొలి పంజా విసిరేదెవరో?

ఎక్కడ ఆగిందో అక్కడి నుంచే మళ్లీ వన్డే వరల్డ్ కప్ మొదలైంది. గత వరల్డ్ కప్ ఫైనలిస్టులైన ఇంగ్లండ్, న్యూజిల్యాండ్ జట్లే.. ఈసారి వరల్డ్ కప్ మొదలు పెడుతున్నాయి. అహ్మదాబాద్ లోని నరేంద్ర మోదీ స్టేడియం వేదికగా ఈ మ్యాచ్ జరుగుతోంది. ఈ మ్యాచ్ ఆరంభానికి ముందే ఇంగ్లండ్ కు టెన్షన్ మొదలైంది.

స్టార్ ఆల్ రౌండర్ బెన్ స్టోక్స్ వెన్ను గాయంతో మొదటి మ్యాచ్ ఆడడేమో అని వార్తలు వినిపించాయి. అలాగే కివీస్ కెప్టెన్ కేన్ విలియమ్సన్ కూడా ఈ మ్యాచ్ ఆడడంటూ వార్తలు వచ్చాయి. ఈ మ్యాచ్ టాస్ సమయంలో అది నిజమేనని తేలింది. టాస్ కోసం కేన్ విలియమ్సన్ రాలేదు. అతని స్థానంలో వెటరన్ ప్లేయర్ టామ్ లాథమ్ వచ్చాడు.

ఈ మ్యాచులో టాస్ గెలిచిన టామ్ లాథమ్ తాము ముందుగా బౌలింగ్ చేస్తామని చెప్పాడు. అలాగే కేన్ మామ ఇంకా పూర్తి ఫిట్ నెస్ సాధించలేదని, అందుకే ఈ మ్యాచ్ ఆడటం లేదని చెప్పుకొచ్చాడు. అలాగే గాయంతో స్టార్ పేసర్ లోకీ ఫెర్గూసన్ కూడా ఈ మ్యాచ్ మిస్ అవుతున్నట్లు ప్రకటించాడు.

తాను టాస్ గెలిచి ఉంటే తను కూడా ముందుగా బౌలింగ్ ఎంచుకునే వాడినని జోస్ బట్లర్ చెప్పాడు. తమ టీంలో బెన్ స్టోక్స్ నడుం నొప్పితో బాధ పడుతున్నాడని, అతను ఈ మ్యాచ్ ఆడటం లేదని వెల్లడించాడు. అలాగే రీస్ టాప్లే, డేవిడ్ విల్లే, అట్కిన్సన్ కూడా ఆడటం లేదని చెప్పాడు.

న్యూజిల్యాండ్ టీం: డెవాన్ కాన్వే, విల్ యంగ్, రచిన్ రవీంద్ర, డారియల్ మిచెల్, టామ్ లాథమ్ (కెప్టెన్), గ్లెన్ ఫిలిప్స్, మార్క్ చాప్ మన్, జేమ్స్ నీషమ్, మిచెల్ శాంట్నర్, మ్యాట్ హెన్రీ, ట్రెంట్ బౌల్ట్

ఇంగ్లండ్ టీం: జానీ బెయిర్ స్టో, డేవిడ్ మలాన్, జో రూట్, హ్యారీ బ్రూక్, జోస్ బట్లర్ (కెప్టెన్), లియామ్ లివింగ్ స్టోన్, మొయీన్ అలీ, శామ్ కర్రాన్, క్రిస్ వోక్స్, అదిల్ రషీద్, మార్క్ వుడ్