మరో 4 రోజుల్లో దాయాదుల పోరు.. వరల్డ్ కప్ పూర్తి షెడ్యూల్ ఇదే!

మహిళా టీ20 ప్రపంచ కప్ 2026 కౌంట్‌డౌన్ మొదలైంది. హర్మన్‌ప్రీత్ కౌర్ కెప్టెన్సీలోని భారత జట్టు తన తొలి మ్యాచ్‌లో పాకిస్థాన్‌తో తలపడనుంది. జూన్ 14న బర్మింగ్‌హామ్‌లోని ఎడ్జ్‌బాస్టన్ మైదానంలో భారత్ తమ పోరాటాన్ని మొదలుపెడుతుంది. ఇప్పటివరకు టీ20 ప్రపంచ కప్ గెలవని భారత్, ఈసారి చరిత్ర సృష్టించాలని యోచిస్తోంది. గత కొన్నేళ్లుగా ఇంగ్లాండ్, ఆస్ట్రేలియా గడ్డపై సిరీస్ విజయాలు సాధించి భారత్ తన సత్తా చాటినప్పటికీ, టోర్నీకి ముందు దక్షిణాఫ్రికా, ఇంగ్లాండ్‌తో జరిగిన సిరీస్‌లలో ఓటమి జట్టు సన్నద్ధతపై కొన్ని ప్రశ్నలను లేవనెత్తింది.

భారత్ గ్రూప్ 'A’లో ఉంది. ఇందులో పాకిస్థాన్, నెదర్లాండ్స్, దక్షిణాఫ్రికా, బంగ్లాదేశ్, ఆస్ట్రేలియా వంటి జట్లు ఉన్నాయి. సెమీఫైనల్ చేరుకోవడం సవాలుతో కూడుకున్నది, ఎందుకంటే జట్టులోని పలువురు కీలక ఆటగాళ్లు ఫామ్ లేమితో, కొందరు ఆల్ రౌండర్లు గాయాలతో ఇబ్బంది పడుతున్నారు. భారత జట్టులో షెఫాలీ వర్మ, స్మృతి మంధాన, యాస్తిక భాటియా, జెమీమా రోడ్రిగ్స్, హర్మన్‌ప్రీత్ కౌర్, రిచా ఘోష్, భారతి ఫుల్మాలి, దీప్తి శర్మ, రాధా యాదవ్, అరుంధతి రెడ్డి, శ్రేయంక పాటిల్, శ్రీ చరణి, క్రాంతి గౌడ్, రేణుకా ఠాకూర్, నందిని శర్మ ఉన్నారు.

టాప్ ప్లేయింగ్ ఎలెవన్‌లో షెఫాలీ వర్మ, స్మృతి మంధాన, జెమీమా రోడ్రిగ్స్, హర్మన్‌ప్రీత్ కౌర్, రిచా ఘోష్, భారతి ఫుల్మాలి, దీప్తి శర్మ, అరుంధతి రెడ్డి, శ్రీ చరణి, శ్రేయంక పాటిల్/నందిని శర్మ, రేణుకా ఠాకూర్ ఉండే అవకాశం ఉంది. మిడిల్ ఆర్డర్‌లో జెమీమా రోడ్రిగ్స్ బాధ్యత తీసుకోనుంది ఇంగ్లాండ్ కండిషన్స్‌లో 130.25 స్ట్రైక్ రేట్‌తో రాణించిన రికార్డు ఆమెకు ఉంది. 21 ఏళ్ల లెఫ్ట్ ఆర్మ్ స్పిన్నర్ శ్రీ చరణి బౌలింగ్‌లో 'ఎక్స్ ఫ్యాక్టర్’గా మారవచ్చు. అదే సమయంలో, యాస్తిక భాటియా నెమ్మదైన బ్యాటింగ్, రిచా ఘోష్ ఫామ్ జట్టుకు ఆందోళన కలిగిస్తోంది.

స్మృతి మంధాన తన టీ20 అంతర్జాతీయ క్రికెట్ కెరీర్‌లో 4500 పరుగుల మైలురాయిని అందుకోవడానికి మరో 167 పరుగుల దూరంలో ఉన్నారు. అరుంధతి రెడ్డికి 50 టీ20 వికెట్లు పూర్తి చేయడానికి మరో రెండు వికెట్లు కావాలి. జూన్ 21న దక్షిణాఫ్రికాతో జరిగే మ్యాచ్ సెమీస్ అవకాశాలను నిర్ణయించే అత్యంత కీలకమైనదిగా పరిగణించబడుతోంది.

మహిళల టీ20 వరల్డ్ కప్‌లో భారత్ లీగ్ మ్యాచ్‌ల షెడ్యూల్:

*జూన్ 14: భారత్ వర్సెస్ పాకిస్తాన్, ఎడ్జ్‌బాస్టన్ (బర్మింగ్‌హామ్) – రాత్రి 7:00 గంటలకు

*జూన్ 17: భారత్ వర్సెస్ నెదర్లాండ్స్, హెడింగ్లీ (లీడ్స్) – రాత్రి 7:00 గంటలకు

*జూన్ 21: భారత్ వర్సెస్ సౌతాఫ్రికా, ఓల్డ్ ట్రాఫోర్డ్ (మాంచెస్టర్) – రాత్రి 7:00 గంటలకు

*జూన్ 25: భారత్ వర్సెస్ బంగ్లాదేశ్, ఓల్డ్ ట్రాఫోర్డ్ (మాంచెస్టర్) – రాత్రి 7:00 గంటలకు

*జూన్ 28: భారత్ వర్సెస్ ఆస్ట్రేలియా, లార్డ్స్ (లండన్) – రాత్రి 7:00 గంటలకు

ఐసీసీ మహిళా టీ20 ప్రపంచ కప్ విజేతలు