Ms Dhoni: ఐపీఎల్ 2023లో ఆడతాడో లేదో చెప్పేసిన ధోనీ..!

వచ్చే సీజన్లోనూ ఎల్లో జెర్సీలో కన్పిస్తా

టాస్ ఓడిన తర్వాత ధోనీని కామెంటర్ డానీ మెరిసన్ అభిప్రాయాన్ని కోరే క్రమంలో మళ్లీ కెప్టెన్‌గా వెల్ కం.. తర్వాతి సీజన్ గురించి ఏమంటారు అని ప్రశ్నించాడు. దీనిపై ధోనీ తన సస్పెన్స్ వేలో ఆన్సరిచ్చాడు. 'వచ్చే సీజన్‌లో నేను మళ్లీ ఎల్లో జెర్సీలో కన్పించడం ఖాయం. అయితే ఈ ఎల్లో జెర్సీనా.. లేకపోతే వేరే ఎల్లో జెర్సీనా అనేది వేరే విషయం' అంటూ సస్పెన్స్ ఇచ్చాడు.

ధోనీ మాటల్లో ఆంతర్యం ఇదే

ధోనీ మాటలను బట్టి చూస్తే.. వచ్చే సీజన్లోనూ తాను ఆడతానని హింట్ ఇచ్చినట్లే ఉంది. ఎప్పుడైన సరే ధోనీ తన కెప్టెన్సీని మరొకరికి అందించాకే రిటైర్మెంట్ ప్రకటించడం ఇంతవరకు చూశాం. ఈ క్రమంలో ఈ సీజన్లో జడేజాకు కెప్టెన్సీ అప్పగించిన ధోనీ.. నెక్ట్స్ సీజన్ రిటైర్ అవుతాడనే అందరూ అనుకున్నారు. కానీ జడేజా వైఫల్యంతో మళ్లీ కెప్టెన్సీ పగ్గాలు ధోనీకే అప్పజెప్పాడు. దీంతో కెప్టెన్‌గా ఉన్నపలంగా ధోనీ రిటైర్ ఇవ్వరనే విషయం మేరకు తర్వాతి సీజన్లోనూ ధోనీ ఆడతాడని తెలుస్తోంది. ఇక పోతే వేరే ఎల్లో జెర్సీ అని పేర్కొన్న ధోనీ అలా ఎందుకన్నాడో మాత్రం అంతుపట్టలేదు.

ప్రత్యామ్నాయ లీడర్ షిప్ కోసం చూస్తున్నాడా?

అయితే ఇక ఈ సీజన్లో ఇంకా 5 లీగ్ మ్యాచ్‌లు మిగిలే ఉన్న తరుణంలో.. చెన్నై సూపర్ కింగ్స్ జయాపజయాలు ఎలా ఉంటాయనే దాన్ని బట్టి కూడా ధోనీ తన డిషిషన్ ఛేంజ్ చేసుకోవచ్చు. ఒకవేళ ఇదే సీజన్లో సరైన లీడర్ షిప్ లక్షణాలున్న ఓ ప్లేయర్‌ను ధోనీ పట్టుకుంటే అతనికి కెప్టెన్ పగ్గాలు అప్పజెప్పి ఐపీఎల్‌కు వీడ్కోలు పలకొచ్చు. జడేజాకు మరోసారి కెప్టెన్సీ అప్పజెప్పే అవకాశాలు లేకపోలేదు. కానీ జడేజాకు ప్రత్యామ్నాయంగా ప్రస్తుతం టీంలో చెప్పుకోదగ్గ ప్లేయర్లు లేకపోవడం చెన్నైకి లోటే. ఎందుకంటే.. రాబిన్ ఉతప్ప, అంబటి రాయుడు లాంటి ప్లేయర్లు దాదాపు కెరీర్ చివరికి చేరుకున్నారు.

సీఎస్కే తర్వాతి కెప్టెన్ రుతురాజ్..?

ఇక యంగ్ ప్లేయర్లలో దూబే, రుతురాజ్ గైక్వాడ్ ఉన్నారు. వారిలో దూబే నిలకడలేని తత్వం వల్ల అతనికి కెప్టెన్సీని ససేమిరా అప్పజెప్పే వీలులేదు. దీంతో చెన్నైకి ఏకైక ఆప్షన్‌గా కన్పిస్తుంది రుతురాజే. ఎందుకంటే వరుసగా మూడు సీజన్లలో చెన్నై తరఫున ఆడడం.. మంచి స్కోరింగ్ చేయగల సత్తా ఉండడం.. మంచి ఫీల్డర్ కావడం రుతురాజ్‌కు ప్లస్. అలాగే మెగావేలానికి ముందు రిటైన్ చేసుకున్న ఆటగాళ్లలో రుతురాజ్ ఒకడు.