ఏఆర్ రెహమాన్‌కు సచిన్ టెండూల్కర్ ఆతిథ్యం(ఫొటో)

ముంబై: మ్యూజిక్ మేస్ట్రో, అస్కార్ అవార్డు గ్రహీత ఏఆర్ రెహమాన్‌కు క్రికెట్ దిగ్గజం మాస్టర్ బ్లాస్టర్ సచిన్ టెండూల్కర్ ఆతిథ్యమిచ్చాడు. ముంబైలో జరిగిన ఓ అవార్డుల కార్యక్రమంలో ముఖ్యఅతిథులుగా రహమాన్, సచిన్ పాల్గొన్నారు.

ఈ సందర్భంగా మేస్ట్రోను మాస్టర్ మధ్యాహ్న భోజనానికి ఆహ్వానించాడు. సచిన్‌పై అభిమానంతో రెహమాన్ విందుకు విచ్చేశాడు. దీంతో హర్షం వ్యక్తం చేసిన సచిన్ ట్విట్టర్ ఖాతా ద్వారా అభిమానులకు తెలిపాడు.

'వారాంతం మ్యూజిక్ మేస్ట్రోను కలిశాను. రెహమాన్‌కి ఆతిథ్యమివ్వడం ఆనందానికి గురిచేసింది. కబుర్లు, భోజనంతో ఆహ్లాదకరంగా గడిపాం' అంటూ సచిన్ ట్వీట్ చేశాడు. రెహమాన్‌తో ముచ్చట్ల ఫోటోను కూడా పోస్టు చేశాడు.

కాగా, శనివారం రోజు రాఖీ పూర్ణిమ పర్వదినం సందర్భంగా సోదరితో రాఖీ కట్టించుకుంటూ దిగిన ఫొటోను కూడా సచిన్ టెండూల్కర్ తన ట్విట్టర్ ఖాతాలో పోస్టు చేశాడు.