మోకాలి గాయంతో ఇబ్బంది పడుతోన్న హరీశ్
2015 నుంచి మోకాలి గాయంతో ఇబ్బంది పడుతోన్న హరీశ్ సోహైల్ ఇటీవల మళ్లీ ఫిట్నెస్ సాధించి జట్టులో చోటు దక్కించుకున్నాడు. అసద్ షఫీక్ (165 బంతుల్లో 80; 9 ఫోర్లు, 1 సిక్స్) హాఫ్ సెంచరీతో రాణించాడు. ఓవర్నైట్ స్కోరు 255/3తో సోమవారం బ్యాటింగ్ కొనసాగించిన పాకిస్థాన్ జట్టులో హరిస్, అసద్ ముందుకు నడిపించారు.
ఐదో వికెట్కు 150 పరుగులు
వీరిద్దరూ ఐదో వికెట్కు 150 పరుగులు జోడించారు. భారీ స్కోరు ఖాయమనుకుంటున్న దశలో వీరిద్దరి వికెట్లను వెంట వెంటనే కోల్పోవడం... ఆ తర్వాత క్రీజులోకి వచ్చిన బాబర్ అజమ్ (4) పరుగుల వద్ద పెవిలియన్కు చేరాడు. అనంతరం క్రీజులోకి వచ్చిన కెప్టెన్ సర్ఫరాజ్ (15) కూడా విఫలమవడంతో పాక్ ఇన్నింగ్స్ తొందరగానే ముగిసింది.
నేను అమాయకుడ్ని
ఆసీస్ బౌలర్లలో సిడిల్ 3, నాథన్ లయాన్ 2 వికెట్లు తీసుకున్నారు. మ్యాచ్ అనంతరం హరీశ్ సొహైల్ మాట్లాడుతూ "నేను అమాయకుడ్ని (నవ్వుతూ). ఆస్ట్రేలియా ఆటగాళ్లు నాపై స్లెడ్జింగ్కి (అసందర్భ పదజాలం వాడటం) ప్రయత్నించారు. దీంతో బ్యాటింగ్ చేస్తున్నంతసేపు వారివైపు చూడటం మానేశాను" అని తెలిపాడు.
రెండు మూడు సార్లు వారు స్లెడ్జింగ్కి ప్రయత్నించారు
"అయినా సరే రెండు మూడు సార్లు వారు స్లెడ్జింగ్కి ప్రయత్నించారు. చివరకు నేను వారి మాటలు విననట్లే నటించాను. గత మూడేళ్లుగా గాయంతో నేను బాధపడ్డాను. చాలా అంశాలు నాకు ప్రతికూలంగా జరిగాయి. అయినప్పటికీ.. పట్టుదలతో ఫిట్నెస్ సాధించి.. మళ్లీ జట్టులోకి పునరాగమనం చేయడం ఆనందంగా ఉంది" అని సోహైల్ పేర్కొన్నాడు.