Click it and Unblock the Notifications
బ్రాత్‌వైట్‌తో బౌలింగ్: సరైన నిర్ణయమే
దీంతో మ్యాచ్ హైదరాబాద్ చేజారిపోయంది. అయితే, డెత్ ఓవర్లలో బ్రాత్‌వైట్‌తో బౌలింగ్ చేయించడం సరైన నిర్ణయమేనని సన్రైజర్స్ హైదరాబాద్ కెప్టెన్ విలియమ్సన్ సమర్థించుకున్నాడు. మ్యాచ్ మొత్తంలో తమ బౌలర్లు అద్భుతంగా బౌలింగ్ చేశారని, బ్రాత్‌వైట్ వైపు మొగ్గడానికి అనేక కారణాలున్నాయని విలియమ్సన్ అన్నాడు.
ఒత్తిడిలో కొన్నిసార్లు ప్రణాళికలు విఫలమవుతుంటాయి
'డెత్ ఓవర్లలో బౌలింగ్ కోసమే అతన్ని జట్టులోకి తీసుకున్నాం. ఒత్తిడిలో కొన్నిసార్లు ప్రణాళికలు విఫలమవుతుంటాయి. ప్రత్యామ్నాయాలు అందుబాటులో ఉన్నా మెరుగైన అవకాశాన్ని ఎంచుకోవడం ముఖ్యం. కాబట్టే బ్రాత్‌వైట్‌కు బౌలింగ్ ఇచ్చాం. మా బౌలర్లందరూ సమర్థంగా రాణించారు. తక్కువ స్కోరు గేమ్‌లో కొన్ని బంతులు అటు ఇటు అవుతుంటాయి' అని అన్నాడు.
హైదరాబాద్ ప్రదర్శనపై పూర్తి సంతృప్తితో ఉన్నాం
'కొన్నిసార్లు మ్యాచ్‌లు అటు ఇటు అవుతుంటాయి. దాంతోనే స్కోరుబోర్డు ముందుకెళ్లింది. మా ప్రదర్శనపై పూర్తి సంతృప్తితో ఉన్నాం. తప్పులను సరిదిద్దుకుని తర్వాతి మ్యాచ్‌లో మెరుగ్గా ఆడేందుకు ప్రయత్నిస్తాం' అని విలియమ్సన్ పేర్కొన్నాడు. వాంఖడె వేదికగా హైదరాబాద్‌తో జరిగిన క్వాలిఫయర్-1 మ్యాచ్‌లో చెన్నై విజయానికి 18 బంతుల్లో 43 పరుగులు అవసరమయ్యాయి.
బ్రాత్‌వైట్‌కు బంతి ఇవ్వడంపై విమర్శలు
ఈ దశలో విలియమ్సన్ బ్రాత్‌వైట్‌తో బౌలింగ్ చేయించాడు. బ్రాత్‌వైట్ వేసిన 18వ ఓవర్‌లో డుప్లెసిస్ ఏకంగా 20 పరుగులు రాబట్టడంతో చెన్నై విజయం సాధించి పైనల్స్‌కు చేరింది. అయితే డెత్ ఓవర్ల స్పెషలిస్ట్‌లు భువనేశ్వర్, సిద్ధార్ద్ కౌల్, సందీప్ శర్మ అందుబాటులో ఉన్నా.. బ్రాత్‌వైట్‌కు బంతి ఇవ్వడంపై విమర్శలు వెల్లువెత్తాయి.
