బిగ్‌బాష్ లీగ్‌లో కామికల్ రనౌట్: బ్యాట్స్‌మెన్లు ఢీకొంటే లాభం బౌలర్‌కి (వీడియో)

హైదరాబాద్: క్రికెట్‌లో మ్యాచ్ విజయాల్లో క్యాచ్‌లు ఎంత ముఖ్యమో రనౌట్లు అంతే ముఖ్యం. అనవసరంగా బ్యాట్స్‌మెన్ పరుగుకు మాత్రం ప్రయత్నించరు. అయితే ఆస్ట్రేలియాలో జరుగుతున్న బిగ్‌ బాష్ లీగ్‌లో మాత్రం ఇందుకు భిన్నంగా రనౌట్‌ సన్నివేశం చోటు చేసుకుంది.

ఈ రనౌట్‌ అయిన తీరు మాత్రం నెటిజన్లను నవ్వు తెప్పిస్తోంది. టోర్నీలో భాగంగా బుధవారం మెల్‌బోర్న్‌ రెనెగేడ్స్‌-సిడ్నీ థండర్‌ జట్లే మధ్య మ్యాచ్‌ జరిగింది. క్రీజులో సిడ్నీ థండర్‌ బ్యాట్స్‌మెన్ జోనాథన్‌ కుక్‌, గురిందర్‌ సంధు క్రీజులో ఉన్నారు. ఈ క్రమంలో మెల్ బోర్న బౌలర్ వేసిన బంతిని కుక్‌ ఆడాడు.

ఆ బంతి క్రీజులో ఉన్న బ్యాట్స్‌మన్‌కు తగిలి వికెట్లకు కొంచెం అవతలగా పడింది. అయితే ఈలోపు పరుగు తీయడానికి కుక్‌ ప్రయత్నించాడు. దీంతో ఎదురుగా వస్తున్న సంధును ఢీకొన్నాడు. ఈ క్రమంలో బౌలర్ వారిద్దరి మధ్య నుంచి వెళ్లి కుక్‌ను రనౌట్‌ చేశాడు. ఇందుకు సంబంధించిన వీడియో సోషల్ మీడియాలో వైరల్ అవుతోంది.