హైదరాబాద్: ముద్దులొలుకుతూ మాటలు పలుకుతున్న తన కూతురి వీడియోను టీమిండియా క్రికెటర్ మహేంద్ర సింగ్ ధోనీ భార్య సాక్షి తన ఇన్స్ట్రాగ్రాంలో పోస్టు చేసింది. ఈ వీడియోలో సాక్షి నగరాల పేర్లు పలుకుతుంటే వాటిని జీవా అనుసరిస్తూ ఉంటుంది. ఎలా అంటే సాక్షి ఢిల్లీ అని అంటే జీవా దెల్లీ అని చెబుతోంది.
కోల్కతాని కోల్కట్టా అని చెన్నైని టెన్నై అని హైదరాబాద్ని హైద్రాబాద్ అని పలుకుతోంది. దీనికి సంబంధించిన వీడియోని ధోని భార్య సాక్షి క్రికెట్ అభిమానులతో పంచుకున్నారు. ఈ వీడియో ఇప్పుడు సోషల్ మీడియాలో వైరల్ అయింది. సాక్షి పలికించిన పేర్లన్నీ కూడా ఐపీఎల్లో పాల్గొనే జట్ల పేర్లే కావడం విశేషం.
అయితే తండ్రి ధోని ప్రాతనిథ్యం వహిస్తున్న పూణె పేరు లేదు. కాగా ఏప్రిల్ 5న హైదరాబాద్లో ఐపీఎల్-10 ప్రారంభం అవుతున్న సంగతి తెలిసిందే. ఉప్పల్లోని రాజీవ్ గాంధీ అంతర్జాతీయ స్టేడియంలో ఐపీఎల్ ప్రారంభ వేడుకలు జరగనున్నాయి. ఆ తర్వాత డిఫెండింగ్ ఛాంపియన్ సన్రైజర్స్ హైదరాబాద్, రాయల్ ఛాలెంజర్స్ బెంగళూరుల మధ్య తొలి మ్యాచ్ జరగనుంది.