సిడ్నీ టెస్ట్‌ లో కేఎల్ రాహుల్‌ క్రీడా స్ఫూర్తి: సోషల్ మీడియాలో వీడియో వైరల్

డైవ్‌‌ చేసి మరీ క్యాచ్‌ పట్టిన కేఎల్ రాహుల్

ఆ బంతి నేరుగా ఫీల్డర్‌ కేఎల్‌ రాహుల్‌ వైపు వెళ్లింది. అదే సమయంలో అక్కడే ఫీల్డింగ్ చేస్తోన్న కేఎల్ రాహుల్‌ అద్భుతమైన రీతిలో డైవ్‌‌ చేసి మరీ క్యాచ్‌ పట్టాడు. అయితే, అందరూ అది ఔట్‌ అని అనుకున్నారు. కానీ, క్యాచ్‌కు ముందు బంతి నేలను తాకడంతో వెంటనే రాహుల్‌ అది క్యాచ్‌ కాదంటూ చేతులను ఊపుతూ సిగ్నల్‌ ఇచ్చాడు.

మెచ్చుకున్న బుమ్రా

వెంటనే బుమ్రా.. రాహుల్‌ వద్దకు వచ్చి తలపై తడుతూ మెచ్చుకున్నాడు. ఫీల్డ్‌ అంపైర్‌ ఇయాన్‌గౌల్డ్‌ కూడా రాహుల్‌ నిజాయతీకి మెచ్చి ‘అద్భుతం.. బాగా చేశావ్‌' అంటూ కొనియాడాడు. కాగా, కేఎల్ రాహుల్‌ క్రీడాస్ఫూర్తికి పలువురు క్రికెట్‌ అభిమానులు సోషల్ మీడియాలో ప్రసంసలు కురిపిస్తున్నారు.

నిజాయతీని చాటుకున్న కేఎల్ రాహుల్

థర్డ్ అంఫైర్‌పై ఆధారపడకుండా రాహుల్‌ తన నిజాయతీని చాటుకున్నాడంటూ ప్రశంసిస్తున్నారు. ‘రాహుల్‌ క్రీడా స్ఫూర్తి మిగతా ఆటగాళ్లకు అనుసరణీయం', ‘చీటింగ్‌కు పాల్పడే ఆటగాళ్లు రాహుల్‌ నుంచి ఎంతో నేర్చుకోవాలి' ‘అంపైర్‌ సమయాన్ని వృథా చేయకుండా వెంటనే రాహుల్‌ స్పందించాడు' అంటూ కామెంట్లు పెడుతున్నారు.

ముగిసిన మూడో రోజు ఆట, ఆస్ట్రేలియా 236/6

ఇదిలా ఉంటే, నాలుగో టెస్టు మూడో రోజు ఆట ముగిసింది. సిడ్నీలో భారీ వర్షం, వెలుతురు లేమి కారణంగా అంఫైర్లు మ్యాచ్‌ను నిలిపేశారు. దీంతో ఆట ముగిసే సమయానికి ఆసీస్‌ 236/6 పరుగులు చేసింది. మూడో రోజు ఆటలో టీమిండియా బౌలర్లు విజృంభించడంతో తొలి ఇన్నింగ్స్ ఆసీస్‌ తడబడుతోంది. ప్రస్తుతం క్రీజులో పాట్‌ కమిన్స్‌(25), హాండ్స్‌ కాంబ్‌(28) ఉన్నారు. కుల్దీప్‌ మూడు వికెట్లు, జడేజా రెండు, షమీ ఒక వికెట్‌ తీశారు.