బుల్లి చిరుతకు పాలు పట్టించిన ఇంగ్లాండ్ మాజీ కెప్టెన్ పీటర్సన్

హైదరాబాద్: ఇంగ్లాండ్ మాజీ కెప్టెన్ కెవిన్ పీటర్సన్‌కు క్రికెట్‌తో పాటు జంతువులంటే ఎంతో ఇష్టం. ఈ విషయాన్ని అనేక సార్లు సోషల్ మీడియా ద్వారా అభిమానులతో పంచుకున్న సంగతి తెలిసిందే. గత వారం ఇండియాకు వచ్చిన పీటర్సన్ రాయ్‌పూర్‌లో ఒక బుల్లి చిరుతను దత్తత తీసుకున్నాడు.

ఈ ఏడాది జనవరిలో ఇండియాలో దాదాపు 40 చిరుతలను వేటగాళ్లు చంపేయడం బాధించిందని, అందుకే అనాథగా ఉన్న చిరుత పిల్లను అక్కున చేర్చుకున్నానని పీటర్సన్ సోషల్ మీడియా ద్వారా తెలిపాడు. అంతేకాదు ఛత్తీస్‌గఢ్‌కు వచ్చిన పీటర్సన్ ఆ చిరుత ఒక సీసా ద్వారా పాలు పట్టించాడు.

ఆ వీడియోను ఇన్‌స్టాగ్రామ్‌లో పోస్ట్ చేసి.. ఇందులోనే సంతోషం ఉన్నది. నా చిన్నారి చిరుత ఎంత అందంగా ఉన్నదో? అన్న కామెంట్‌ను కూడా పోస్టు చేశాడు.

HAPPINESS IN THIS! How beautiful is this baby Leopard????

A post shared by Kevin Pietersen (@kp24) on Feb 26, 2018 at 12:14am PST

ఈ వీడియో ఇప్పుడు వైరల్ కావడంతో పీటర్సన్‌ను అభినందిస్తున్నారు. అనంతరం ఛత్తీస్‌గఢ్ ముఖ్యమంత్రి రమణ్ సింగ్‌ను కలిసి సొరాయ్(సేవ్ అవర్ రైనోస్ ఆఫ్రికా, ఇండియా)పై కాసేపు చర్చించాడు. ఈ కార్యక్రమానికి సంబంధించిన టోపీని రమణ్‌ సింగ్‌కు అందజేశారు.

Had a wonderful meeting with legendary cricketer @KP24 where we discussed various initiatives of @SORAI2018. It was great to know his love and commitment for wildlife conservation. pic.twitter.com/azKSVrY2aQ

— Dr Raman Singh (@drramansingh) February 26, 2018

ఆఫ్రికా, ఆసియాలో అంతరించిపోతున్న ఖడ్గ మృగాలను కాపాడుకునే కార్యక్రమంలో పీటర్సన్ పాలుపంచుకుంటున్న సంగతి తెలిసిందే. వన్యప్రాణుల సంరక్షణ కోసం పీటర్సన్ చేస్తున్న కృషి అభినందనీయమని ముఖ్యమంత్రి రమణ్ సింగ్ ఈ సందర్భంగా ప్రశంసలు కురిపించాడు.

I’ve adopted this little orphaned Leopard in Raipur, India. The opportunity came up a couple weeks ago & when I saw 40 leopards were killed in Jan in India & 1/3 by poachers, I decided to try and help. I’m visiting India next week to meet him! Guess what I’ve called him?

A post shared by Kevin Pietersen (@kp24) on Feb 18, 2018 at 10:15pm PST