పాండ్యా చేసిన తప్పిదానికి భారత్ ఖాతాలో ఒక పరుగు కోత పడింది (వీడియో)

బ్యాట్‌ క్రీజులోకి జారే సమయంలో

బ్యాట్‌ క్రీజులోకి జారే సమయంలో తన శరీరానికి తాకి ఉందని హార్దిక్ పాండ్యా భ్రమించాడు. కానీ, ఆ క్షణంలో బ్యాట్‌‌తో అతనికి సంబంధం లేకుండా ఉంది. ఈ విషయాన్ని ఫీల్డ్ అంపైర్ పసిగట్టలేకపోగా.. లాంగాఫ్‌లో ఫీల్డింగ్ చేస్తున్న న్యూజిలాండ్ ఫాస్ట్ బౌలర్ ట్రెంట్ బౌల్ట్ గుర్తించి అంపైర్‌కి ఫిర్యాదు చేశాడు.

థర్డ్ అంపైర్‌ని ఆశ్రయించిన ఫీల్డ్ అంపైర్

దీంతో థర్డ్ అంపైర్‌ని ఆశ్రయించిన ఫీల్డ్ అంపైర్.. రిప్లైని పరిశీలించిన తర్వాత భారత్ స్కోరు నుంచి ఒక పరుగు కోత విధించాడు. ఆ తర్వాత బంతికి ఫోర్ బాదిన హార్దిక్ పాండ్యా ఆ ఓవర్ చివరి బంతికి పెవిలియన్‌కు చేరాడు. చివర్లో పాండ్యా వేగంగా ఆడటంతో పాటు ఆస్లే బౌలింగ్‌లో వరుసగా 6, 6, 6తో మెరిశాడు.

సోషల్ మీడియాలో వీడియో వైరల్

ఇందుకు సంబంధించిన వీడియో సోషల్ మీడియాలో వైరల్ అయింది. భారత జట్టులో అంబటి రాయుడు (90: 113 బంతుల్లో 8 ఫోర్లు, 4 సిక్సులు), హార్దిక్ పాండ్యా (45: 22 బంతుల్లో 2 ఫోర్లు, 5సిక్సులు) మెరుపులు మెరిపించడంతో టాస్ గెలిచి తొలుత బ్యాటింగ్ చేసిన భారత్ జట్టు 49.5 ఓవర్లలో 252 పరుగులు చేసి ఆలౌటైంది. న్యూజిలాండ్ బౌలర్లలో ట్రెంట్ బౌల్ట్ 3 వికెట్లు, నీష‌మ్ ఒక వికెట్ తీసుకున్నారు.