Virat Kohli: సోషల్ మీడియాలో విరాట్ కోహ్లీ సుదీర్ఘ పోస్ట్..!

కింగ్ విరాట్ కోహ్లీ.. భారత క్రికెట్ కు అద్భుతమైన సేవలు అందించాడు. కోట్లాది మంది అభిమానులను సంపాదించుకున్నాడు. ఎన్నో మరవలేని ఇన్నింగ్స్ లు ఆడాడు. ముఖ్యంగా 2022 టీ20 వరల్డ్ కప్ లో పాకిస్థాన్ పై విరాట్ కోహ్లీ ఆడిన ఇన్నింగ్స్ ప్రతీ ఒక్క భారతీయుడికి గుర్తు ఉంటుంది.
అందుకే కోహ్లీ భారీగా ఫ్యాన్స్ ఉంటారు. అయితే ఏ ఆటగాడైనా.. ఆటకు వీడ్కోలు చెప్పాల్సిందే. విరాట్ ఇప్పటికే టీ20 మ్యాచులకు రిటైర్మెంట్ ప్రకటించాడు.

మిగతా ఫార్మాట్లకు కూడా అతను గుడ్ బాయ్ చెబుతాడని వార్తలు వస్తున్నాయి. ఈ నేపథ్యంలోనే విరాట్ కోహ్లీ సోషల్ మీడియాలో పెట్టిన ఓ పోస్ట్ వైరల్ అవుతోంది. బోర్డర్-గవాస్కర్ ట్రోఫీకి కేవలం రెండు రోజుల ముందు మంగళవారం సుదీర్ఘమైన సోషల్ మీడియా పోస్ట్‌తో అభిమానులకు 'మినీ హార్ట్ ఎటాక్' ఇచ్చాడు కోహ్లీ. కోహ్లీ తన మెన్స్‌ బ్రాండ్‌ రాన్‌ (Wrogn) పదేళ్ల ప్రయాణాన్ని పురస్కరించుకొని సుదీర్ఘ పోస్ట్ పెట్టాడు.

2022లో టెస్ట్ కెప్టెన్సీ నుంచి రిటైర్మెంట్ నిర్ణయంతో సహా ముఖ్యమైన వ్యక్తిగత మరియు కెరీర్ అప్‌డేట్‌లను ప్రకటించినప్పుడు కోహ్లీ గతంలో సోషల్ మీడియాలో ఇలాంటి పోస్ట్ టెంప్లేట్‌ను ఉపయోగించాడని చాలా మంది అభిమానులు గుర్తించారు. ఆ పోస్ట్‌కి అతనితో ఎలాంటి సంబంధం లేదని అర్థం చేసుకోవచ్చు. క్రికెట్ కెరీర్ మరియు బదులుగా అతని బ్రాండ్ గురించి.

"వెనక్కి తిరిగి చూసుకుంటే, మేము ఎప్పుడూ కాస్త భిన్నంగా ఉంటాము. వారు మా గురించి అంచనాలకు భిన్నంగా ఉన్నాం. కాలానికి అనుగుణంగా మారాం. కొంత మంది మమ్మల్ని సిల్లీ అనుకున్నారు. మేము అవి ఏమి పట్టించుకోలేదు. మేము ఏం చేయాలనుకున్నామో అదే చేశాం. ఒడిదుడుకులు, కరోనా మహమ్మారి మిమ్మల్ని ఏం చేయలేకపోయాయి. మేము భిన్నంగా ఉండడమే మా బలం. ఇలాగే ముందుకెళ్తాం " అని పోస్ట్ పెట్టాడు.

దీనికి రిటైర్మెంట్ కు సంబంధం ఏమిటని అనుకుంటున్నారా.. 2022 లో విరాట్ కోహ్లీ టెస్ట్ కెప్టెన్సీ నుంచి తప్పుకున్నప్పుడు సోషల్ మీడియాలో ఓ పోస్ట్ చేశాడు. అప్పుడు వాడిన టెంప్లెటే ఇప్పుడు కూడా వాడాడు విరాట్ కోహ్లీ. దీంతో అతను ఆస్ట్రేలియా సిరీస్ తర్వాత ఏదైనా కీలక నిర్ణయం తీసుకుంటాడా అనే సందేహాలు వ్యక్తం అవుతున్నాయి. ప్రస్తుతం విరాట్ కోహ్లీ ఫామ్ లేమితో బాధపడుతున్నారు. అయితే అతనికి ఆస్ట్రేలియాలో మంచి రికార్డు ఉంది.