కోహ్లీకి ఆడమ్ జంపా ఫీవర్: వన్డేలు, టీ20ల్లో కలుపుకుని మొత్తం 7 సార్లు ఔట్!

విరాట్ కోహ్లీని అత్యధిక సార్లు ఔట్ చేసిన బౌలర్లు వీరే

ఇక, శ్రీలంకకు చెందిన తిసారా పెరెరా, న్యూజిలాండ్‌కు చెందిన టిమ్ సౌతీ వన్డేల్లో విరాట్ కోహ్లీని 5 సార్లు ఔట్ చేసిన మరో ఇద్దరు బౌలర్లు. తాజాగా, విరాట్ కోహ్లీని అత్యధిక సార్లు ఔట్ చేసిన బౌలర్‌గా జంపా ఖాతాలో ఓ అరుదైన రికార్డు నమోదైంది. ఒక బ్యాట్స్‌మన్‌ను ఎక్కువసార్లు ఔట్‌ చేసిన జంపా బౌలింగ్‌ గణాంకాల్లో ఇదే అత్యధికం కావడం విశేషం.

రెండో స్థానంలో రోహిత్ శర్మ

విరాట్ కోహ్లీ తర్వాత రెండో స్థానంలో రోహిత్ శర్మ ఉన్నాడు. ఇదే మ్యాచ్‌లో టీమిండియా జట్టు స్కోరు 81 పరుగుల దగ్గర రోహిత్ శర్మ(42) ఔటయ్యాడు. ఆడమ్‌ జంపా వేసిన ఇన్నింగ్స్‌ 14వ ఓవర్‌ మూడో బంతికి రోహిత్‌ ఎల్బీడబ్ల్యూగా వెనుదిరిగాడు. జంపా వేసిన బంతిని రివర్స్‌ స్వీప్‌ ఆడటానికి యత్నించగా అది రోహిత్‌ ప్యాడ్లకు తాకింది.

మూడు వికెట్లు తీసిన ఆడమ్ జంపా

ఆసీస్ ఫీల్డర్లు అప్పీలు చేయగా ఫీల్డ్‌ అంపైర్ ఔటిచ్చాడు. దీనిపై రివ్వూకు వెళ్లిన రోహిత్‌కు అక్కడ కూడా నిరాశే ఎదురైంది. జంపా బౌలింగ్‌లో రోహిత్ శర్మ ఔట్ కావడం నాలుగోసారి. ఈ మ్యాచ్‌లో రోహిత్ శర్మ మరో 4 పరుగులు చేసి ఉంటే 9000 పరుగుల క్లబ్‌లో చేరేవాడు. ఈ మ్యాచ్‌లో టీమిండియా కోల్పోయిన 5 వికెట్లలో మూడు జంపాకే దక్కడం గమనార్హం.

తొలి వన్డేలో కూడా జంపా బౌలింగ్‌లోనే

కాగా, ముంబై వేదికగా జరిగిన తొలి వన్డేలో సైతం కోహ్లీ... జంపా బౌలింగ్‌లోనే ఔటయ్యాడు. ఇదిలా ఉంటే, రెండో వన్డేలో ఆస్ట్రేలియాకు టీమిండియా 341 పరుగుల భారీ లక్ష్యాన్ని నిర్దేశించింది. శిఖర్‌ ధావన్‌(96; 90 బంతుల్లో 13 ఫోర్లు, 1 సిక్స్‌), విరాట్‌ కోహ్లీ(78;76 బంతుల్లో 6 ఫోర్లు), కేఎల్‌ రాహుల్‌( 80; 52 బంతుల్లో 6 ఫోర్లు, 3 సిక్సర్లు), రోహిత్‌ శర్మ(42; 44 బంతుల్లో 6ఫోర్లు)లు రాణించడంతో టీమిండియా భారీ స్కోరు సాధించింది.