'ఆ క్షణాల్లో నిగ్రహం కోల్పోయి ఉండొచ్చు'

కోహ్లీ ఎలాంటి పరిస్థితిలో ఉన్నాడో

‘ఈ తరహా వైఖరి కోహ్లీకి ఇష్టం. క్రీడల్లో చాలా వ్యక్తిత్వాలు కనిపిస్తాయి. ఆ విమర్శ చేసినప్పుడు కోహ్లీ ఎలాంటి పరిస్థితిలో ఉన్నాడో? సున్నితమైన, బలహీన క్షణాల్లో ఉన్నాడేమో. ఎంత నిగ్రహంగా ఉన్నా సరే ఎప్పుడో ఓ సారి భావోద్వేగంతో కాస్త అతిగా స్పందించడమనేది సర్వ సాధారణం. నాకూ ఇలా జరగొచ్చు. ఇప్పటికే విరాట్‌పై చాలా విమర్శలొచ్చాయి. ఇక దీన్ని ఇక్కడితో ముగిస్తే మంచిది' అని ఆనంద్‌ అన్నాడు.

కోహ్లీ బ్యాటింగ్‌లో ఎలాంటి వైవిధ్యం

టాటా స్టీల్‌ చెస్‌ పోటీల సందర్భంగా ఆయన మీడియాతో మాట్లాడారు. విరాట్‌ తన సొంత మొబైల్‌ ఫోన్లో ట్వీట్లు, ఇన్‌స్టాగ్రామ్‌ సందేశాలు చదువుతున్న వీడియో నవంబర్‌ 5న బయటకు వచ్చింది. అందులో ఓ వ్యక్తి కోహ్లీ బ్యాటింగ్‌లో ఎలాంటి వైవిధ్యం లేదన్నాడు. ఇంకా ఏవో వ్యాఖ్యలు చేశాడు.

దేశంలో ఉండొద్దని భావిస్తున్నా

‘నన్ను ఇష్టపడనందుకు బాధలేదు. మన దేశంలో మీరు ఉండొద్దని భావిస్తున్నా. నీ ప్రాధాన్యాలేంటో సరిగ్గా ఎంచుకో' అని కోహ్లీ తీవ్రంగా స్పందించాడు. వెంటనే విరాట్‌పై భారీ స్థాయిలో విమర్శలొచ్చాయి. కొందరు అతడికి మద్దతుగా, మరికొందరు వ్యతిరేకంగా వ్యాఖ్యలు చేస్తున్నారు. తనపై వచ్చిన విమర్శలపై విరాట్‌ నవంబర్‌ 8న మళ్లీ ట్విటర్‌లో స్పందించాడు.

విమర్శలు నాపై కాదనుకుంటా.

ఈ విమర్శలు నాపై కాదనుకుంటా. వాటికి నేనిప్పటికీ సిద్ధంగానే ఉన్నా. ‘ఈ భారతీయులు' (thease Indians) అని ప్రత్యేకంగా నొక్కిచెప్పిన పదంపైనే నేను మాట్లాడా. ఎంపిక చేసుకొనే స్వేచ్ఛకు నేను మద్దతిస్తా. దీన్ని ఇక తేలిగ్గా తీసుకొని పండగ రోజుల్ని ఆస్వాదించండి. మీ అందరికీ ప్రేమ, శాంతి కలుగుగాక.